موضوع خفيف شوية
هتكلم عن الروك و السينما بس انا مش هتكلم عن افلام وثائقية انا هتكلم عن افلام عادية موضوعها او قصتها يا بتتضمن موسيقى الروك و الميتال او بتتكلم عنها من الاخر هنشوف تناول السينما للروك و الميتال
نبدا علشان تفهموا الفكرة
This is spinal tap
الفيلم ده مشكلة
فيلم كوميدى متصور بطريقة الافلام الوثائقية علشان كده في ناس اقتنعت انه فيلم وثائقى بجد عن فريق بجد المهم الفيلم بيتكلم عن حياة فرقة خيالية اسمها
Spinal Tap
الفيلم فعلا مسخرة و فرق كتيرة من اللى شافته اشادت بيه
الفيلم مليان تريقة و ضحك غير طبيعي انصح الناس تتفرج عليه
و لو بتقرا عن الفرق كتير ضتضحك اكتر لو عرفت مثلا هما الموقف ده بيتريقوا على مين بالظبط و كده
الكليب ده في المشاهد التحفة اللى في الفيلم
بس عامة لازم يتشاف كله
.............
Singles
فيلم كوميدى و رومانسي بيتكلم عن مجموعة عايشين في نفس المجمع او العماره
المهم الفيلم احداثة كانت في فترة الجرانج و هنا تيجي اهميته
الساوندتراك بتاع الفيلم هو اللى شهر الجرانج و اداله الدفعه انه ياخد المكانة اللى خدها في التسعينات الالبوم عرف الناس على فرق اكتر و كده
اما الفيلم نفسه فظهر فيه فرقتين
sound garden
alice in chains
الفيلم نجاحة مكنش مدوى اوى قد الساوندتراك بس له اتباع غير كده الفيلم ده كان واحد من الاسباب اللى بسببها مسلسل
friends
طلع للنور الفيلم كان مصدر الهام للناس اللى ورا فكرة المسلسل
القصة ان الشركة المنتجة كانت عايز تعمل الفيلم مسلسل كمان المهم المخرج الاصلى متشجعش قاموا جابوا مجموعة من الكتاب و فريق عمل و كده و غيروا الاسم ل
friends
.............
Rock star
الفيلم قصته مستوحاه من قصة حقيقية عن واحد عنده فرقة
tribute
المهم جتله الفرصه انه ينضم و يغنى مع الفرقة اللى بيحبها القصة نفسها مستوحاة من قصة
Timothy S. Owens
اللى كان عنده فرقة بتغنى لجوداس بريست المهم لما
halford
مشى من جوداس الفريق جابوا الاخ علشان يغنى مكانه و فعلا عمل معاهم البومين
قصة ظريفة اى حد فينا نفسه يبقى مكانه حتى لو يلعبلهم طبلة
Almost Famous
Cameron Crowe
لانه فعلا لما كان صغير كان بيكتب في مجلة
the rolling stones
قصة الفيلم بتدور حولين ولحد صغير راح يكتب في المجلة
the rolling stones
و فعلا بدا يقابل نجوم كتير و يلف معاهم في رحلاتهم و كده
ميزة الفيلم انه بيتكلم و بيصف مرحلة مهمة جدا من مراحل موسيقى الروك Rock of Ages
الفيلم لهواة الافلام الغنائية و اللى فيها استعراضات و كده
الفيلم مقتبس من المسرحية الموسيقية الشهيرة و بتدور في فترة التمانينات\
في الفترة المعروفة ب
pop metal
hair metal
glam metal
كل هواة الفترة اللى انا منهم هيتستمتعوا جدا بالفيلم ده خصوصا انه بيضه نخبة ضخمة جدا منهم تور كروز
الفيلم هينزل في شهر 7 يوم 15 ان شاء الله
الفيلم شكله تحفة و هيطلع حلو
المهم كده الموضوع خلص
ارجو انه يكون عجبكم
تحياتى
ليست هناك تعليقات:
إرسال تعليق