Marilyn Manson.... Born Villain review ((arabic version))

للنسخة الانجليزى من الريفيو..... 
4 the english version 

http://ramirez1991.blogspot.com/2012/05/marilyn-manson-born-villain-review.html

طريقة التقييم

Hey, Cruel World...'

اغنية من الاغانى اللى من الصعب تتوقع هتبقى عامله ازاى من اول الثانية 55 الاغنية اتقلبت و بقت مجزرة فعلا طريقة جباره من مانسون يفتتح بيها الالبوم عجبنى جدا شغل الجيتار و الدرامز اللى اتعمل في التراك ده غير العنف الشديد في طريقة الغنا اللى بقالى فترة مشفتهاش في البومات مانسون طبعا دى مجرد بداية

'No Reflection'

التراك ده انا شايفه هيعمل شغل تحفة في الحفلات تحس انك عايز تقوم ترقص و انت بتسمع التراك 

'Pistol Whipped'

بعد البداية الجبارة للالبوم قرر مانسون انه يدينا راحة بالتراك ده لانه يعتبر بطىء و مش سريع و عنيف زى اول تراكين و عامة الراحة دى كانت ضرورية علشان الداهية اللى جايه دى

 
'Overneath The Path Of Misery'

الاغنية دى بعتبرها قطعة فنية متكاملة كلمات تحسها من النوع اللى يخليك عايز تقوم تقتل حد موسيقى الاغنية نفسها رائعة جدا و تشد برده انا شايفها هتعمل شغل كويس في اللايف الفوكال هنا في شغل كويس جدا تعتبر من احسن اغانى الالبوم

 
'Slo-Mo-Tion'

البيس جيتار في الاغنية دى جبار الدخلة معموله تحفة و دى يمكن من اكتر الحاجات اللى شدتنى للاغنية دى, اغنية حلوه جدا و لحد دلوقتى الالبوم ماشي كويس جدا و مفيهوش غلطه

'The Gardner'

في حاجة مخلايانى مشدود للاغنية دى و بصراحة الاغنية مبنية صح زى الاغنية اللى فاتت البيس جيتار عامل شغل هنا عجبنى جدا الميكس اللى بين طريقة الكلام بتاعة مانسون و الغنا الاغنية خليط بين غنا و كلام و زى ما قلت معمول بينهم ميكس حلو اما الكلمات فبعبرها من اقوى الكلمات في الالبوم

 
'The Flowers of Evil'

تعتبر اغنية بطيئة مقارنة بالباقى الدخلة بطيئة و ماشية زى ما نقول حطوة خطوة لحد ما بدات تاخد منحنى تانى من بعد نص الدقيقة التانية كده اكتر حتة في الاغنية بحبحبها هى دى

I’ve been running
 from the bloodless
 for fear of exile
 for all of my sorceries
 that shun the light
 I’ve been running
 from the bloodless
 for fear of exile
 for all of my sorceries
 that shun the light

لحد دلوقتى تحس ان الالبوم عامل زى فقرة الساحر مش عارف ايه تانى موجود في جراب الحاوى

نكمل بقا 

  
'Children of Cain'

قعدت افكر في كلمة اوصف بيها التراك ده لقيت كلمة دوومى من كلمة دووم يعنى هى اكتر كلمة توصف بيها الاغنية اما الكلمات فعميقة جدا و تحسها مظلمة فعلا تراك قاتل

 
'Disengaged'
'Lay Down Your Goddamn Arms'

مش عارف بس التراكين دوول مشدونيش

مفيهمش حاجة تلفت الانتباه او جديده بعتبرهم اضعف تراكين في الالبوم

ممكن نقول عليهم وقت مستقطع لان الالبوم هياخد منحنى تانى في اواخره

زى ما هنشوف دلوقتى 

'Murderers Are Getting Prettier Every Day'

اغنية اغتصاب 

الاغنية دى من الاخر تحسها من ايام مانسون في فترة التسعينات

اغنية في منتهى القوة تحس انك عايز تقوم تقتل حد من كتر عنف الاغنية عجبنى جدا الصولو السريع اللى تحسه فيه لمسة سلاير كده

تعتبر من اقوى اقوى تراكات الالبوم فعلا كنا محتاجين الوقت المستقطع اللى فات ده

'Born Villain'

تراك خفيف شوية عجبانى الدخلة جدا

و الكلمات لذيذة

 
'Breaking the Same Old Ground'

ختامهم مسك زى ما بيقولوا 

هنا بقا هتلاقى الكونسبت اتبلور ازاى مانسون قرر انه مش عايز يرجع لشخصيتة القديمة و عايز يقفل الفصل بتاع قصص حبه المنهاره و يبدا من جديد زى بداياته ازاى يطلع شخصيتة الجديده

الاغنية بحسها موجهه لجمهوره اللى عايزه يقدم نفس الرتم و نفس الاغانى كل مره 

الاغنية دى ختام الالبوم بس بداية جديد لمارلين بعد اكتر من خمس سنين بيعيش اثار قصص حب منهاره و حيره ازاى يبدا من تانى

 
'You're So Vain' - Bonus Track

تراك خفيف هيعجبكم

 جونى ديبب بيلعب جيتار فيها

final Thoughts and rating  

انا مش شايف ان الالبوم عوده مارلين عمره ما اختفى انما انا بوصفه انه بداية جديده في حياة مانسون فصل جديد من فصول حياته

الالبوم في شغل جماعى رائع جدا حسيت ان مارلين عايز يخرج من الجو الاكتئاب اللى كان فيه في اخر البومين اللى بعتبرهم تحف فنية المهم يعنى تحسه البوم فريش و معمول صح ,و طبعا تويجى راميرز عمل شغل جبار في الالبوم الراجل له لمسته مهما الخاصة و ده واضح في شغل مانسون في التسعينات

انصح الناس انها تسمع الالبوم

تحياتى..