فكرة ظريفة جدا عملاها شركة
HMV
في بريطانيا علشان الاحتفال بالسنة ال60 على تولى الملكة اليزابيث العرش في بريطانيا
الفكرة انهم عملوا تصويت على احسن البومات و افلام تم انتاجهم و عملهم في بريطانيا خلال الستين سنة دوول هنا جتلى فكرة ما تيجى نبص ايه اسهام بريطانيا في عالم الروك و الميتال و كده يالا نبدا
من غير مبالغة الموسيقى اللى احنا بنسمعها النهاردة دى اللى حط بذرتها هما البريطانيين
بدا الموضوع بفرق زى دى
the Beatles & the rolling stones
The who
الفرق دى عملت اجيال و لسه في ناس بيسمعلهم لحد دلوقتى و بيحضرلهم حفلات بعد كده طلعت موجه جديده انا بصراحة بعتبر
led zeppelin
موجه لوحدهم الفريق ده خلق نوع من الكاريزما على المسرح و موسيقتهم نفسها تعتبر من البذور اللى اتحطت في شجرة الهيفي ميتال البذرة اللى طلع منها فرق كتييرة منها اشتهر و كمل و منها اللى اختفى الفريق ده اثر على فرق كتيرة جدا و منهم ناس مش ميتال زى مادونا كده
المهم نيجى بقا للعمالقة اللى بعتبرهم نتاج مجهود ضخم اتعمل في الستينات
Black sabbath
اللى كتير شايفهم الاباء الروحيين للهيفى ميتال و ليه لا الفريق ده حد حجر الاساس لكذا نوع ادام زى الددو ميتال و السلادج ميتال و الهيفي ميتال و اثر عمل زى الهم لفرق كتييييييييييييير زى
Iron Maiden,Slayer, Death,Korn, Mayhem, Venom,Judas Priest,Guns N' Roses, Body Count, Metallica, Alice in Chains,Anthrax, Disturbed, Opeth, Pantera,Megadeth, The Smashing Pumpkins,Slipknot, the Foo Fighters, Fear Factory,Candlemass, & Godsmack
فرق من كذا تجاه و كذا شكل اثر فيهم الفريق ده
في بريطانيا برده طلعت الموجه اللى بتتسمى
NWOBHM
من اكتر الفرق اللى اثرت في الموجه دى فريق ممكن محدش يعرف اسمها
budgie
دى من الفرق اللى حطت حجر الاساس للموجة دى
المهم الموجه دى سهمت بشكل ضخم في عمل ملامح و معالم للهيفي ميتال الموجه دى طلعت فريق كتيرة جدا
اولهم
Iron maiden
Diamond head
Blitzkrieg
Saxon
Judas Priest
Girlschool
و غيرهم من العملقة
طبعا مش هننسى
Motorhead
اللى حطوا اساس ال
speed metal
و ليهم معجبين و اتباع كتيييييييير ده غير الفرق اللى اثروا فيهم
و لا هننسى
Venom
اللى بسببهم اتسمى البلاك ميتال على اسم البوم ليهم و يعتبروا من اوائل الفرق اللى حطت اساس للنوع ده
شوفوا كم حاجة قلناها و كم فريق اتكلمنا عنهم كلهم السبب في وجود ناس زى ميتاليكا و ميجاديث و حتى لينكن بارك معانا
طبعا ده غير ان بريطانيا جبتلنا
The sex pistols
اللى كتير بيشوفوهم ايقونة مهمه للبانك و علشان ابقى دقيق هما السبب اصلا في انتشار حركة البانك في بريطانيا
و حتى ايام ال
Hair metal
بريطانيا قدمت
Def leppard
قمة الغباء ان الواحد يقول بريطانيا و ينسى دوول
Pink Floyd
اتحدى ان حد يقلى ان الفريق ده مش عبقرى
كفاية طريقة صياغتهم لاغانيم
الفريق ده في رايي ابدع في حوارات الكونسبت مينفعش تسمعلهم اغنية فردانى لازم الالبوم على بعضه
و بصراحة خير ختام للموضوع انى اذكر الفريق العبقرى دهفي فرق كتييييييييير تانية زى
Queen
ستين سنة مثمرين بصراحة
اتعمل فيهم حاجات كتيرة
تحية لكل الناس دى
\m/
ليست هناك تعليقات:
إرسال تعليق