ازاى؟؟؟؟؟

كلنا مرينا بالمواقف دى

تقابل حد يقلك انا بحب الميتال تقله بتحب فرق ايه يقلك

3 days grace

nickleback

red

ممكن يجرحك اوى و يقلك

linkin park

و رغم انى بعترف بالنيو ميتال مجينر للميتال بس مش القصة

القصة في رد فعل الناس

بلاقى الناس بتتكهرب و بيجلها حالة هيستريا بسبب الموضوع ده و كانه غلط في حد من اهله

انا مش شايف ان الحوار محتاج للعصبية دى حطوا في اعتباركم ان الناس دى معظمها مش دايس زينا في الميتال ده غير ان مفيش مجلات و لا حاجة في الوطن العربي متخصصة في الحاجات دى

طبعا ده غير التهمة الابدية بتاعة عبدة الشيطان اللى من كتر ما بتتقال الواحد اقتنع انه فعلا كده طب ايه الحل؟؟

هنا بقا يجى اقتراحى

احنا كناس فاهمين و في منا بيكتب سواء على مدونات او صفحات الفيس بوك و كده

نبتدى اننا زى ما نقول نعرف الناس اللى مش فاهمه على الموسيقى دى 

نحط باسلوب سهل الفرق بين البوست جرانج و الميتال و الكلام ده

ممكن في ناس بتكتب في مجلات زى 

teen stuff 

او كده من خلالها نعمل حاجة زى كده او نعمل بلوجات و صفحات خاصة بكده يعنى بلاش نعزل نفسنا و خلاص يا نعمل حاجة يا نسكت

غير كده لازم نوضح الكلمات و المواضيع المختلفة اللى الميتال بتتكلم عنده ده لكسر حالة التعميم بتاع عبدة البطيخ و كده 

نجيب نماذج لفرق و ناس متدينة و في كتيييييييييير و مشهورين جدا

انا شايف ان الحاجات دى سهلة و ممكن تتعمل اه في مواضيع كتيرة عن الحاجات دى بس بنديها لمين؟؟ لناس متيلة زينا 

و اهم حاجة في رايي متحسشش ان اللى ادامك حمار جاريه في الكلام يقلك بحب لينكن بارك قشطة ايه المشكلة كلمه عن الفريق شوية تعالى على نفسك شوية جرجره في الكلام انا شخصيا بعمل كده و ساعات بسمعهم فرق شبه ميتاليكا و شوية بشوية هيتطور و لو محصلش ايه المشكلة مش ديانة هى

انا نفسي زمان بدات بلينكن بارك و ايفانسنس و كورن و دى فرق لسه بسمعها لحد دلوقتى بس معلهم بسع سلاير و ميتاليكا و كده

المهم الخلاصة يا نحاول نغير ثقافة الناس و نظرتهم و تفكيرهم يا نسكت و خلاص

......