ناس كتيرة فاكرة ان الاخ ده عادى او انسان غبي بيهرتل و خلاص لكن الكلام ده ممكن ميكنش صح الواد ده عبقري كل حاجة بيعملها ليها رسالة و قصة و فكرة كل البوم بينزله بيمثل فكرة بيبقا عايز يوصلها فبيترجمها لالبوم و تصميمات...
طبعا في سلسلة من المقالات ناوى اعملها هتكلم في النقطة دى و هنترجم سوا البومات مارلين و شعار كل البوم يالا نبدا....
Anti christ superstar
يمكن ده اول البوم لمارلين اللى من خلاله بدا ينشر افكاره و فلسفته بشكل مختلف عن البوماته الاولانية و الالبوم بيعتبر بداية لثلاثية هنتكلم في الموضوع ده في فقرة تانية في المقال المهم نبدا باول حاجة لوجو او شعار الالبوم:-
ده مقتبس من انطوان ليفي و كنيسة الشيطان. الحروف العبرية اللى حولين الشعار دى اسم من اسماء ابليس و ده بيظهر ان مارلين في بداية حياتة كان متاثر بليفي ((بس هو مش من عبادة الشيطان حسب تصريحاتة)).
نيجي لنسخة تانية من الشعار:-
الشعار ده مقتبس من النازية و يمكن الشعار ده اشهر من اللى فات و بيستخدم في كل حفلات مانسون في الفترة بتاعة الالبوم ده. و صورة البرق دى بتستخدم في دول كتير باشكال مختلفة طبعا كل ده ساعد على نشر شخصية مانسون و تكوينها.
هنلاقى ان مانسون بينتقد هنا الانظمة السادية و القمعية و ده بيظهر في شكل استخدامه للوجو و تريقته على الانظمه دى من خلال اشكال الحفلات بتاعته.
طبعا مش اى حد هيفهم ان هدفه نقد الفاشية بشكل عام و نقد الفاشية و الاستبداد اللى منتشر في مجتماعتنا اليومين دوول.
نيجي بقا لكونسبت الالبوم....
الالبود كونسبت و كان حجر اساس لثلاثية انتهت بالبوم holy wood يعنى قصة متقسمة على تلا البومات. ايه قصة الالبوم ده؟؟
الالبوم ده رغم انه بداية الثلاثية الا ان مانسون جاب القصة من ورا لقدام, يعنى الالبوم ده بيمثل نهاية القصة!!! و يقال ان القصص دى بتمثل حياة مانسون اصلا. بطل القصة شخص اسمه the worm الاخ كان مضطهد فحب يقوم بعمل ثورة لى الناس اللى مسيطرين على العالم و مضطهده الناس. و بدا انه يعمل لنفسه شخصية و يلم الناس حولية و رغم نجاحة في انه يقضى على الطبقة المسيطرة و الظالمه الا انه بدا يكره الناس اللى حولية و اكتئب من العالم لما لقى ان الناس اصلا مش مهتمين بان حد ينقذهم او انقذهم من الظلم اللى كانوا فيه !!! و انهم عاجبهم دور المظلومينّ!! طبعا ده خلاه يتحول لشخص فاشي لما لاحظ ان الناس مينفعش معاها الا شخص يعاملهم زى العبيد الشخصية دى اسمها anti christ superstar و بدا انه يقمع الناس و يدمر كل حاجة كانت بتمثلها الثورة بتاعته و بدا يقمع الناس اللى في الاصل كان بيدافع عنهم و بدا يدمر الارض و اللى عليها. و توصل لحكمة جميلة لو قدرنا نحقق كل امانينا ساعتها هندمر احلامنا...
end of part 1
ليست هناك تعليقات:
إرسال تعليق