انا هكتب هنا نقدى و رايي امبارح في الكونسرت و الحقيقة انا خارج و عندى زى ما تقول كده احاسيس متلخبطة مش عارف المهم تعالوا نبدا...
بشكل عام فان الهيفي تون بتاعة المعادى كانت افضل و اقوى من دى, و اتبسطت فيها اكتر.
طب ايه الانتقادات اللى بوجها لكونسرت امبارح؟؟؟
اولا الفرق كانت كتيرة اوى, احنا مش فى مهرجان سنسفير رايي ان الحفلة لو كانت 4 فرق او تلاته كان كل فريق هياخد حقه و وقته و هنسمعه صح و الواحد مش هيفصل و هيقدر يحكم ع الفرق صح.
غير كده في فرق اصلا مظهرتش اظن فقرتهم اتلغت طبعا مكنش في وقت لكل دوول يطلعوا !!!
تانى مشكلة بقا حوار الوقت دلوقتى الدخول كان هيبقا اربعة و نص و البداية كانت 6 امبارح الدخول فعليا كان على 6 !!! و الحفلة بدات تقريبا على 7!!! طب ازاى؟؟
تالت حاجة الناس!! العدد كان قليل جدا بالتالى الحماسة مكنتش قد كده كل ما الجمهور يبقى اكتر كل ما الناس تسخن اكتر طبعا ده له اسبابه اولا اليوم كان وحش اوى جه وسط مظاهرات و جو مشحون و رايي ان الحفلة كانت ممكن تتاجل خصوصا ان المليونية معادها كان معلن من فترة طويلة و اراء بتقول ان التسويق في مشاكل و انا مع الراي ده المفروض يبقى في دعاية اقوى شوية.
طبعا في حاجات غريبة حصلت في النص زى لاب اتفصل مرتين !!! مش قادر افهم ليه و المكان معرفش هو اه يساعى كتير بس الحتة نفسها عجيبة اصلا و متكسرة و حالتها طين!!!
بس الحقيقة انا اتبسطت من حاجتين على المستوى الشخصى التجمع مع الناس و كده خلتنا نقضى وقت حلو ((لو تعرف حد هناك يعنى)) و الفريق البرازيلي عجبنى اوى و كانوا لذاذ اوى على المستوى الشخصى و اتصوروا مع الناس و بتاع و الناس كانوا متفعلين معاهم جدا و هما نفسهم شكلهم كانوا مستمتعين اوى في الحفلة و الناس تفاعلوا معاهم بشكل كويس و انا اندمجت معاهم جدا...
دى شوية صور انا قدرت اصورلهلهم في الحفلة:-
و حتة بقا انا متصور فيها مع الباند :)
ههههههههههههه
((ابو ايرنمايدن))
اه علشان مظلمهمش انا عجبنى جدا اول باند, عجبنى الامسترومنتال بتاعهم بشكل عام انا على المستوى الشخصى قشطة اتبسطت و قضيت وقت حلو و بتاع لكن لو هنتكلم بشكل نقدى و احترافى و بتاع يبقى زى ما قلت كان فيه عيوب اللى هى انا قلتها فوق....
التقييم
6 من 10
تحياتى.......
ليست هناك تعليقات:
إرسال تعليق