في بعض الاحيان في فرق ممكن متكنش قد كده, او فريق مش جى على مزاجك, لكن يطلع منهم تراك او اغنية يمكن البوم و ساعة عضو من الفريق يخليك تحترم الفريق او يمكن تغير وجهة نظرك في الباند كله...
اول نموذج بيجي على بالى هو فريق queen انا الفريق ده مش بيشدنى اوى لكن تراك واحد عملوه شقلب كيانى اصلا و بفتكره في مواقف كتيرة بمر بيها the show must go on , و رغم ان التراك ده معمول في وقت صعب جدا و ساعتها فريدى كان خلاص بيخلص الا انه اقوى اداء ليه مع الفريق على الاطلاق !!!!
الاغنية دى اسطورية و غيرت اصلا رايي في الفريق و رغم ان في رايي ملهمش حاجة زيها بالقوة دى بس يكفى انها اتعملت في وقت صعب و الظروف اللى كانوا فيها...
...
نيجي لفريق تانى انا فعلا مكنتش طيقهم بس شخص هو اللى خلونى اعشق الباند ده و ابقا قاعد بسمع للفريق و بنزل البوماتهم مخصوص علشانه.
الاخ فورتيكس عضو ديموبورجير السابق, الاخ ده عنده واحد من اقوى و احلى الاصوات اللى سمعتها في حياتى بيعرف يخلى الاغنية رائعة و بان اثر غيابه في اخر البوم, ظهر قد ايه انه كان من عمدان الفريق و من اهم اعضائة و فعلا خسارة كبيرة انه مشى من الفريق.
...
في مثلا فريق tool انا في البداية كنت بكرهم كره العمى. م بطيقهم الا انى سمعت ليهم تراك عجيب.
ENEMA ده اسم التراك!! معرفش التراك شدنى بطريقة غريبة جدا و خلانى نوعا ما انى اتقبل الفريق ده!! و اسمعهله كمان. جو التراك عجيب و الكليب كعادتهم غريب بس التراك نفسه لازم يشدك.
الدخلة, الفوكال, كل حاجة في التراك تشدك من اول لاخره معرفش ليه؟؟؟
الخلاصة انك في بعض الاحيان بتغير رايك في حاجة بسبب شخص او اى سبب بسيط ممكن جملة في اغنية تخليك تحب فريق و تتعلق بيه, ممكن اغنية تفتكرها في موقف معين تخليك من اكبر محبين باند او نوع معين !!!
كلنا اكيد مرينا بالقصة دى و لينا تجارب معاها.
تحياتى,,,
ليست هناك تعليقات:
إرسال تعليق