من الفيديو هتعرف ان بلاك سابث هيرجعوا تانى اوباا هيصوا يا ولاد !!!
بس ثانية واحدة هو ايه ده اللى مكتوب في اخر الفيديو ده مممم
the first studio album in 33
نعم؟ لا يا شيخ؟؟؟
يعنى من الاخر الفريق بمزاجة محى وجود dio و martin من الفريق و لا كأنهم يوم من الايام كانوا جزء من الفريق امال مين دوول؟؟
شوفوا كم تشكيل جبته, مظنش ان دوول فرقة خالتى, سيبك من كل ده تخيل الصفعه على وش محبين ديو لما يعرفوا ان الفريق ببساطه مسح البومات و تاريخ الراجل في الفريق بكل بساطة!! رغم انه قدم اعظم تراكات عملها الفريق اصلا في حياته كفايه عندى تراك heaven and hell اللى انا شخصيا بعتبره احلى و اقوى تراك انا سمعته في حياتى !!!
ازاى ببساطة نسيوا ان الراجل ده قدم معاهم البومات تاريخية و انقذ الفريق من كارثة لما اوزى سابهم !!!
نيجي للغلبان تونى مارتن بصراحة ده كان كبش فدا اتبهدل مع الفريق و الاخ ايومى ضحى بيه علشان يرجعوا مع اوزى تانى و تسبب كده في تسجيل البوم عجيب من نوعه بتاع forbidden , سيبك من ده كله مارتن قدم مع السابث مجموعة البومات حلوه جدا و تتسمع و تراكات قوية اه يمكن مكنش بنفس قوة اوزى و ديو بس عمل شغل برده!!!!
حسبه بسيطه اوى هنلاقى ان الفريق عمل 10 البومات من ساعة ما اوزى ساب الفريق اخرهم سنة 1995 يعنى 16 سنة معملوش البوم مش 33 زى ما بيقولوا حاجة فعلا غريبة و تزعل فعلا ضيعوا فرحة الواحد بسبب الحوار ده...
انا اتمنى ان الفريق يصلح غلطته دى و لو انى اشك ان ده ممكن يحصل.
في حد هيقول يا عم دوول قصدهم انهم باوزى ده اول البوم ليهم من 33 سنة و انا هر و لو خانهم الاسلوب بصراحة خصوصا ان اوزى معروف ان من ساعة ما رجع و كل ما يخص السابث من سنة 80 اتمحى من التاريخ و لا كانهم يعرفوا حاجة طبعا استعدنا ايام ال80 المجيدة بعودة ديو من كم سنة قبل ما يموت... عامة ده رايي الشخصى ممكن توافقونى او تعترضوا عليه :)
اه كلمة اخيرة
في 2 كوليكشن معمولين لفترة ما بعد اوزى جربوهم
اللى عايز لينكات يراسلنى...
تحياتى
ليست هناك تعليقات:
إرسال تعليق