The rolling stones,,, خمسين سنة و انت طالع,, الجزء الاول

انك تكون فريق و ينجح دى قصة لوحدها, انك تحافظ على النجاح ده موال لوحده, علشان بقا تفضل مستمر على الساحة و الفريق مينفصلش عن بعضه ده يعتبر انجاز لوحده و يا سلام بقا لو الفريق لسه محافظ على مستواه, ساعتها كده تبقى دخلت التاريخ. ال

Beatles 

رغم انهم كسروا الدنيا و البوماتهم لسه بتتسمع لحد النهاردة الا ان التاريخ الفنى للفريق يعمل بالظبط عشر سنين و بعد كده اتفشكلوا, بينك فلويد انفصلوا في التسعينات, ليد زيبلن انفصلوا في التمانينات, الا ن في فرق كسرت القاعدة دى و فضلوا مستمرين لحد اللحظة دى و الى حد علمى اكتر و اقدم فرقتين استمروا لحد النهارده هما

THE BEACH BOYS 1961

و الفريق اللى المقال ده معمول علشانهم

The Rolling Stones 1962 

اللى السنة دى بيحتفلوا فيها بعيد ميلادهم الخمسين كفريق الحاجة المميزه في الموضوع في رايي يعنى ان الفريق و رغم كبر سنهم الا انهم محافظين على نفسهم و مستواهم بيلعبوا و كانهم لسه في العشرينات, تعالوا نبص كده على اعضاء الفريق و سنهم

Mick Jagger 69
Keith Richards 69 
Charlie Watts 71
Ronnie Wood 65

ببساطة كده الفريق بيقول ان الفن و الابداع ملهمش سن, بالمنسابة دى بقا الفريق قرر انهم يعملوا حاجتين اولا مجموعة حفلات باسم

50 AND ON

للاحتفال بالمناسبة دى و اصدار كوليكشن جديد اسمه

grrr

اللى فيه اشهر و احلى اغانى الفريق خلال مسيرتهم الطويلة دى مع اغنيتين جداد معمولين مخصوص للالبوم ده 

مستحيل طبعا ان الواحد يتكلم عن قصة الفريق كلها في مقالة بنتكلم عن خمسين سنة هنتكلم هنا شوية عن بدايات الفريق . من المعروف ان

Mick Jagger & Keith Richards 

صحاب من و هما اطفال و كانوا مع بعض في المدرسة 

المهم مايك و عيلته عزلوا فانفصل مايك و كيث لحد سنة 60 لما قبلوا بعض صدفة و اكتشفوا ان هما الاتنين بيحبوا الاسطورة 

 Chuck Berry 

و دى كانت الشرارة اللى عمقت الشراكة الموسيقية بين الاتنين و فعلا قرروا يعملوا فريق بعد حبة مشاكل في انهم يلاقوا ناس تنضم اتشكل الفريق سنة 62 و كانوا ساعتها من غير اسم المهم اعضاء الفريق كانوا 

Brian Jones- Guitars

Ian stewart- piano and key boards

Keith Richards- Guitars

Mick Jagger- Vocals 

 Tony Chapman- Drummer

طبعا ساعتها الفريق مكنش ليهم اسم امال الاسم بتاعهم ده جه منين؟؟

في مكالمة مع مجلة للدعاية للفريق الوليد ده سالوا براين جونز عن اسم الفريق فقعد كده يبص حوليه فلقى على الارض البوم مرمى و لما بص وجد ان اغنية من اغانى الالبوم اسمها

Rollin Stone 

و من هنا وجد الفريق اسم

.........

دى كده نهاية اول جزء في القصة هختم حاليا باغنية من الاغنيتين الجداد اللى الفريق عملهم في الكوليكشن بتاعهم

One more shot

 End of Part 1

\m/