عيد ميلاد الاسطورة.... لمحبين موتورهيد ((راس المحرك يعنى))

الاسطورة الحية 

المقاله دى مش هدفها حاجة غير انى اعبر عن حبي للراجل ده  

Lemmy 

قررت انى اكتب حاجة بسيطة للاحتفال بعيد ميلاده, طب ليه؟؟

بالنسبالى الراجل ده بعتبره حاجة مهمة عندى لانى بسببه و بسبب فريقه بدات اسمع ميتال اصلا بالتحديد بسبب اغنية 

The Game

بدون مبالغة مسار حياتى اتغير بسببه و بسبب الاغنية دى الراجل ده خلانى اسال هو ده اللي بيسموه ميتال؟؟ 

 قعدت ادور على النت ((ايام ما كان بخط تليفون)) و عرفت ان الراجل ده جزء من فريق اكتشفت انهم اساطير و اسمهم

Motorhead

فبلنسبالى الموضوع زى ما نقول مهم عندى و بيمثل عندى ذكريات كبيرة و زى ما قلت حياتى اتغيرت من ساعتها لقيت الحاجة اللى فعلا حسيت انها مناسبة ليا فلو حد له الفضل في انى احب الميتال فهو الراجل ده و حسب ما افتكر ان اول البوم اسمعه كامل ليهم كان البوم 

Kiss of death

,المهم
الراجل ده بكل معانى الكلمة اسطورة, و يمكن كل من له علاقة بالميتال و الروك بيحترموه من الحاجات اللى تلفت نظرك انه عمره ما اعتبر انه هو و فريقه بيلعبوا ميتال انما بيعتبر انهم

Rock n Roll

طبعا قبل ما يروح لموتورهيد كان في فريق تانى اسمه 

Hawkwind

غير انه شارك مع كذا فريق تانى في كتابة اغانى و كمان كان بيطلع في اغانى معاهم زى

Slash

Girlschool

ozzy osbourne 

و غيرهم 

و رغم كل الشهرة اللى هو فيها الا ان ناس كتيرة اجمعت انه مش مغرور و محبوب جدا من الجماهير و من الوسط الفنى كمان و دى حاجة نادرة الحقيقة 

عامة المقال مش هدفها غير اننا نفتكر واحد من العمالقة و اننا محظوظين اننا شفناه و لسه بنسمعه و بينزل البومات مع فريقه

67 

سنة و لسه مكمل الاسطورة الموسيقى بتجرى في دمه  زى ما dave grohl 

ما قال

We recorded his track in Los Angeles in maybe two takes about a year and a half ago. Until then I'd never met what I'd call a real rock 'n' roll hero before. Fuck Elvis and Keith Richards, Lemmy's the king of rock 'n' roll - he told me he never considered Motörhead a metal band, he was quite adamant. Lemmy's a living, breathing, drinking and snorting fucking legend. No one else comes close

مش هسبكم كده طبعا انا بنصح الناس انها تتفرج على الفيلم الوثائقى اللى معمول عنه و اللي اسمه ببساطة

Lemmy

Happy fucking birthday \m/

..........