الواحد بقالة فترة كبيرة مكتبش سواء بسبب الدراسة او التعب المهم الموضوع مش هيبقى عن حاجة معينة و زى ما هو واضح الموضوع هيبقى زى دردشة هتكلم في كذا حاجة يعنى اول حاجة هتكلم عنها و دى يمكن من اكتر الحاجات اللى انا مستنيها
celebration day
في وسط حالة من الهلس واحد زى جاستين بيفر و مايلي سيروس بينزلوا في افلام لحفلاتهم في السينما على اساسا انى هى ناقصة نشوف ازاى بيتحفونا باغانيهم الا ان السنة دى يبدوا ان القاعدة هتنكسر فالعمالقة ليد زيبلن قرروا هما كمان يعملوا فيلم عن الحفلات اللى كانوا عملوها في لندن في 2007 و بعدها هينزل على
dvd
انا سعيد ان لسه الفرق دى موجوده وسطنا و ليه شعبية علشان و يفكرونا ان لسه في موسيقى نضيفة اصل الفيلم نزل لمدة يومين في بريطانيا لعتقد كانوا يوم 17 و 18 اكتوبر الجدير بالذكر ان ميتاليكا ناويين هما كمان يعملوا فيلم السنة اللى جاية لحفلاتهم و هيكون ده تركيزهم اصلا في الفترة دى و الفيلم هيكون
3D
نفسي الافلام دى بالذات بتاع ميتاليكا ينزلوا هنا في العالم العربي بتاع ليد زيبلن صعبة لانها عروض محدودة بس هنتظروا على دى في دى
....
UNO DOS TRES
قرر فريق
GREEN DAY
قرار غريب انهم السنة دى مش هينزلوا البوم لا 3
و ده ضد الاتجاه السائد بتاع ثقافة السينجل و ده يمكن شىء لفت انتباهى ثقافة السينجل يعنى بدل ما اعمل البوم انزل سينجل !! اصبح الاستسهال امر غريب اليومين دوول هات خمسين واحد و حطهم مع بعض و اعمل اغنية و نزلها سينجل تبيع ملايين ع الاى تون
شخصيا انا بشوف ان مفيش حاجة تغنى عن البوم كامل علشان تعرف الفريق او المؤدى افكاره ايه و عايز ايه معرفش فكرة سينجل و انزل بيه دى شايفها فكرة فاشلة اصلا لذلك عجبتنى فكرة جرين داى احنا هنزل تلات البومات الى الان نزل واحد و التانى هينزل بعد يومين كده
الالبوم الاول عبارة عن الاتجاه الحديث للفريق اللى هو الالترنتف او بوب على بانك اما الالبوم التانى فده واخد اتجاه الجراج روك و شغل الفريق القديم اما التالت فحسب المصادر هيكون كوكتيل بين الاتنين فكرة لطيفة و دى عينة من الالبوم
....
Grrrrrrrrrrrrrrrrrrrr
50 سنة
نص قرن تخيل لما تكون دى مسيرة فريق!!
نصف قرن على الساحة تخيل كم التغييرات اللى حلت في العالم
بالفعل السنة دى هى السنة الخمسين للعمالقة
The rolling stones
و احتفالا بكده قرروا ينزلوا كوليكشن 3 اسطوانات فيها احلى الحاجات اللى غنوها مع كم اغنية جديدة و اسم الكوليكشن
Grrr
الالبوم المفروض خلاص نزل النهاردة و طبعا في جولات بتتعمل منها حفلة في لندن تذاكرها خلصت اول ما نزلت رغم ارتفاع اسعارها الحقيقة الموضوع ده انجاز كبير
Happy 50th anniversary guys :D
اسيبكم مع احدث سينجل للفريق و اول اغنية يسجلوها بعد 7 سنين مسجلوش حاجة فيها و تركيزهم كان في الحفلات و الجولات و بتاع
doom and gloom
THANX 4 READING
ليست هناك تعليقات:
إرسال تعليق