نرجع تانى للموسيقى بعد فترة من الانقطاع بسبب حالة وفاة حصلت عندى غير كم حاجة كدة كانت شغلانى المهم...
يمكن في ناس كتيرة بدات تنسى او يمكن متعرفش هو اي اصل اللي بتسمعه ده يعنى مثلا تلاقيه متعصب اوى لمثلا لينكن بارك و يصور انه احسن فريق طلع في الكون و مطلعش حد قبليهم و لا بعديهم و في ناس شايفة ان ميتاليكا دوول اعظم فريق طلع في التاريخ معاك بس في سؤال مهم اوى
هما طلعوا ازاى؟؟
لولا ناس و فرق معينة مكنتش الناس دى طلعت من الاساس يعنى لولا البلوز و الروك مكنش طلع الهاردروك و لولا الهاردروك مكنش ظهر هيفي ميتال و القصة عبارة عن سلسلة كبيرة بتكمل بعض و دى حاجة مميزة و بتخلى الميتال و الروك نوع فريد من نوعة اصلا !!
هيندركس مثلا و اللى بالاجماع الناس بتعتبره احسن جيتاريست في التاريخ ده ظهر في الستينات الباشا كان السبب في الهام ناس كتيرة جدا و يمكن بسببه ظهرت فرق زى ليد زيبلن و بينك فلويد و غيرهم بسبب لعبه الرائع و الكاريزما بتاعته
و ممكن اقول كمان ان لولا مكنش هيبقا فيه هارد روك او هيفي ميتال
لانه هو اللى مهد للحاجات دى انها تظهر و نقل البلوز لمرحلة و عالم تانى مختلف عن اللى كان معروف ساعتها
في ناس طبعا عارفة الكلام ده و في ناس للاسف متعرفش الكلام ده و مش بيحاولوا يعرفوه اللي يزعل ان الحاجات دى هى اللى بسببها انا و انت بنسمع اللى بنسمعه دلوقتى ده
بره معظم الفرق دى لسة الى الان ليهم تقدير عند الناس و البوماتهم لسه بتتباع و لو لسه فى فرق منها لسه موجودين بيتراح حفلاتهم و طبعا التيشرتات بتاعتهم لسه بتتلبس لحد دلوقتى زى كده
سبب كلامى ده هو الكلام المستفز و السطحى زى ميتاليكا هما اللى عملوا ميتال و لينكن دوول مفيش زيهم و كلام غريب يمكن ده ابسطه
اه لمحبين فريق ماسكارا في مصر في حفلة ليهم في القاهرة في ساقية عبد المنعم الصاوى في الزمالك ب 20 جنية يوم 13 فبراير
https://www.facebook.com/events/226748960745886/
ليست هناك تعليقات:
إرسال تعليق