ناس كتيرة معتقدة ان الموضوع خلص, لا لسة
sopa and pipa are not dead
كل الموضوع ان الحكومة اجلت التصويت على القرارين دوول و بيحاولوا يلاقوا طرق تانية يطبقوا بيها الفكرة دى...
طب ايه اصلا الكلام ده؟؟؟
بكل بساطة الحكومة الامريكية قررت انها تعمل تصويت على قرارين لمحاربة القرصنة و حفظ حقوق الملكية الفكرية نظريا الكلام جميل جدا اكيد كل فنان بيتعب في شغله بيقا عايز فلوس مش يلاقى البومه مترمى بالمجان ع النت لكن القانونين دوول ابعادهم اكبر من كده بمراحل.
الموضوع ممكن يوصل ان مواقع كبيرة زى تويتر و فيس بوك وويكيبديا انهم يختفوا و يتقفلوا!!!!! مواقع زى ميديافاير هتختفى و زى ما شفنا ميجاابلود اتقفل بامر الحكومة الامريكية يعنى الموضوع هياثر عليك و عليا زى ما هياثر على الامريكان !! بدل ما الانترنت هيبقا مكان نتبادل فيه اخبار و معرفة هنبقى قاعدين و القوانين دى بتتحكم فيها تخيل حتى لو نسخت خبر او سطر من حاجة يقدروا يحذفوها .
بلوجات كتيرة احنا بتابعها اجنبية مش هنلاقيها تانى !! ما اى حاجة هيتشك انها بتخترق الملكية الفكرية او يحصل منها قرصنة هيقفلوها !! و طبعا امريكا لما هتطبق القوانين دى اكيد هتشجع دول تانى انها تتطبق نفس القوانين يعنى ممكن نلاقى مصر و دوول تانية بتعمل قوانين زى دى !! و يصبح القمع شامل النت تحت اسم حماية الملكية الفكرية الموضوع دى مهم زى الثورات و يمكن اكبر من كده لانها بتمس المكان اللى بنعرف نعبر فيه عن افكارنا و ارائنا بلا قيود او حرية
طب ازاى انا و انت بره امريكا نقدر نعمل حاجة و نشارك؟؟
كل واحد ممكن يبلغ صحابة و يفهم الموضوع ده و ايه تاثيرة و ازاى هيضرنا كلنا. حاولوا تاخدوا افكار عن القوانين دى هديكم لينكات فيها تفاصيل اكتر لان القوانين دى ممكن تتعمل بمسميات و افكار تانية لكن الفكرة واحدة . من اللمكن لو عندك موقع او مدونة تحط صورة زى اللى انا حطتها عند اللوجو عندى فوق لما تتكوا عليها هيوصلكوا للموقع الللى انا عملها منه . و ممكن من خلال الفيس بوك و التويتر تعملوا رسايل اعتراض كل ده هيكم لينكات ليه دلوقتى : -
Facebook
https://www.facebook.com/sharer/sharer.php?u=http%3A%2F%2Ftinyurl.com%2F7vq4o8g
Twitter
https://www.facebook.com/sharer/sharer.php?u=http%3A%2F%2Ftinyurl.com%2F7vq4o8g
الموقع ده عليه كذا طريقة علشان صوتك يوصل
http://americancensorship.org/
لو عايز تعرف القوانين بشكل مفصل اكتر
انجليزي
http://en.wikipedia.org/wiki/Wikipedia:SOPA_initiative/Learn_more
عربي
http://ar.wikipedia.org/wiki/قانون_وقف_القرصنة_على_الإنترنت
ليست هناك تعليقات:
إرسال تعليق