الفن الحقيقي عمره ما يموت

نماذج كتيرة بتطلع بتقعد فترة و بتموت 

يعنى كلنا ملاحظين هوجة ضخمة من ناس ملهاش لازمة بتفضل طالعة

بس بعد كده بتموت و بتدفن و كان مكنش ليها وجود قبل كده

اقرب الامثلة شخصيات زى 

back street boys and spice girls

فرق فالصو طلعت عملت دوشة و بعدها اختفوا و لا كان ليهم وجود

فقط الفن الحقيقي هو اللي بيستمر

ناس زى جاستين بيبر و تامر حسنى مش بقلق منهم لان بعد فترة محدش هيفتكرهم زى ما طلعوا فجاة هيختفوا و هيبقوا عبارة عن سحابة صيف و اختفت. انما الفن اللى بجد و حقيقي سواء روك او ميتال او حتى لو فريق بوب او عربي هتلاقيه مستمر لسنين و سنين و تفضل الاجيال بتسمع و يفضل الفن الحقيقي عايش وسطنا. و الامثلة كتيرة الحقيقة

The rolling stones

فوق الخمسين سنة و الفريق ده لسة موجود و لسة الناس بتسمعهم و بتروح حفلاتهم و بتشترى البوماتهم و رغم ان كلهم معدى الستين و منهم دخل السبعين الا ان لسه جواهم روح يشتغلوا و يمتعوا جمهورهم 

رغم ان الفريق ده اتفشكل من 40 سنة مثلا الا ان الناس لسه مهوسه بيهم و البوماتهم بتتباع و بتنول العاب باسمهم !!! ده ان دل على حاجة فانه بيدل ان الموسيقى النضيفة مهما مر الازمن بتفضل عايشة معانا 

و طبعا محدش هينسى لما نزلت لعبة روك باند باسمهم باعت مبيعات كبيرة في المملكة المتحدة بالذات  

لو دخلنا على الميتال فعندنا نماذج كتيرة اقربهم الفريق ده

فوق ال35 سنة خدمة و لسه قاعدين و لسه بينزلوا البومات و لسه بيبيعوا و لسه بيعملوا حفلات و مفيش اى حد يختلف عليهم و الى الان بنسع للفريق ده و بنسمع البوماتهم و بنستنى الجديد بتاعهم و البوماتهم بتدخل القوائم و بترتيبات عالية
وفريق زى موتورهيد لحد دلوقتى معظم الفرق اللي بتطلع معظمهم متاثر بيهم و باغانيهم 
اذن الموضوع مش شهرة بس الموضوع هو هل الناس هتفتكرك ؟؟ حتى لو سبت الساحة هل سبت اثر الاجيال اللى بعدك تفتكرك بيها؟؟

مش مشكلة لو جاستين بيبر اشتهر بكره هيتدفن و الناس هتنساه و لا كانه كان موجود 
من الاخر عمر ما الفن الحقيقي هيموت مهما مر الزمن و الايام

...........