رغم ان الموضوع ده لا يخص الموسيقى بس قلت انبه الناس من خلال البلوج هنا
ايه يا عم الحوار؟؟
الحقيقية انتشرت حاجات عجيبة بينا اليومين دوول و اكيد شفنا الحاجات دى
المشكلة ان ناس كتير جدا بيشتروا و شغالين في الحاجات دى رغم انها حاجات فشنك و لا ليها اى قيمة نبدا اول حاجة بال
power balance
حتة حظاظة بلاستيك قال ايه بتخليك نشيط اكتر و تعملك توازن و تخلصك من الطاقة السلبية طب هل الكلا م ده حقيقي؟؟
الاجابة طبع 75; لا الشركة اعتكدت في تسويقها على نجوم كبار و اقناع الناس بلا اى دليل علمى على الكلام ده, فطالبت اللجنة التجارية في استراليا من الشركة انها تجيب دليل علمى و معملى على صحة كلامهم و فشلت الشركة في انها تقدم اى دليل على صدق كلامها فامرت المحكمة الاسترالية الشركة انها تعترف ان معندهاش دليل علمى على كلامها و انها ضللت المستهلكين بكلام مش صح ((ضحكوا ع الناس يعنى)) و طبعا اترفع ع الشركة قضايا نصب و احتيال كتيرة و تم انتقاد اسلوب الدعاية بتاعتهم و طبعا عملوا تجارب على الناس اللي بيلبسوها و تحاليل و كده و جت نتيجة التحاليل سلبية يعنى الحتة البلاستيك دى مش بتعمل اي حاجة و فى نوفمبر 2011 الشركة اعلنت افلاسها و لاحظوا انهم بيرموا المنتجات دى عندنا افهموها انتوا
......
Q net
هى شركة من هونج كونج بتبيع حاجات زى ساعات و حاجات طاقة و كده بتعتمد في التسويق على حاجة اسمها التسويق الهرمى و دى طريقة غلط من الاساس و ممنوعة في دول كتيرة منها المملكة المتحدة و ايران و يمكن اكبر خطر هنا ان بدل ما الربح يجى من انك تعمل استثمار حقيقي لا انت بتكسب لما بتدخل ناس اكتر معاك الشركة لدرجة انك ممكن توصل لمرحلة ان الهرم ده ممكن ينهار
و في ناس بتعتبرها عملية نصب ضخمة و الشركة متهمة انها بتتبع الاسلوب ده و ده غير قانونى غير كده ضار للاقتصاد ببساطة مفيش استثمار حقيقي في الموضوع و بتحصل زيادة في الفلوس بلا استثمار من الممكن انها تعمل مشاكل اقتصادية كبيرة. في ايران الحكومش شكت في الشركة و اعلنت انها بتتبع الاسلوب الهرمى و تم اعتبار القضية اكبر قضية فساد مالى في ايران و طبعا الشركة اتقفلت هناك
......
شاى منج
يا ترى لما هتشرب الشاى ده هتبقى زى الاخت ام بكينى؟؟
اه عايز تخس جامد بس الحاجات دى في غاية الضرر ليه؟؟ بيقلك في الاسبوع هتخس خمسة كيلو و يمكن ده اكبر ضرر ليه؟؟ المفيد و الصح انك متخسرش اكتر من 2 كيلو في الاسبوع علشام متضرش نفسك
تانى حاجة الشاي ده فيه مواد مسهلة بمعنى هتفضل قاعد في الحمام شغال اسهال ((ده اللى بيحصل)) الضرر هنا انك هتنزل كل حاجة حتى الاكل اللى انت لسه واكلة قبل ما الجسم يستفيد منه و بتخسر مياة و مواد مهمة ليك لدرجة انها ممكن تسبب في الوفاة !! و فعلا في ناس ماتت بسبب المنتجات اللى زى دى
طبعا الموضوع ده زى ما قلت بينزل كمان كمية ضخمة من المساه من الجسم ممكن تعمل جفاف و بتزود نسبة الصوديوم بشكل كبير في الجسم من الاخر طريقة ضارة و مش صح للتخسيس
......
اللاصق اليبانى العجيب
حط البتاع دى على رجلك هتمتص كل السموم من جسمك و هتشفيك كمان من كذا مرض اوباااااااا سحر الدكاترة يركنوا احسن في البيت
كالعادة نصب و البتاعة دى برده مفيش دليل علمى او معملى يثبت الكلام ده
اولا عملوا تحاليل على الحاجات دى بعد الاستخدام لقوا انها لا مصت سموم و لا غيروا معملتش حاجة يعنى
امال يا عم ايه الاسود ده ؟؟ الاجابة ان البتاعة دى فيها مواد و معادن كيميائية بتتفاعل مع الرطوبة فتقلب اسود رجلك لما تحط البتاعة دى بتطلع ميه و رطوبة فلونها بيقلب اسود
و صحفية حبت تعمل تجربة حطتها على براد شاي و بفعل البخار اتحولت للون الاسود و في كاليفورنيا بعد تجارب اعلنوا ان الاصقة دى ملهاش اى تاثير و مضروبة
A few months later, a radio reporter in California conducted a similar investigation. First she had her husband wear pads overnight and then too them to a laboratory for testing. The lab found that the heavy metal content of the used pads were the same as that of an unused pad, which meant that the pads don't "suck out any toxins." Then she held an unused pad over a pot of boiling water. The steam caused the pad to turn black, indicating that the dark color that results from wearing a Kinoki pad is caused by a chemical in the pad that reacts to moisture
......
حبيت بس الفت نظركم للحاجات دى
تحياتى ....
