سؤال مثير للاهتمام
يا ترى السبعينيات اثرت اكتر على مسيرة الميتال و لا التمانينات؟؟؟
لو الواحد بص على السبعينات هيلاقى صعود فرق محورية زى
Black sabbath
Motorhead
Judas priest
Diamond head
Iron maiden
Saxon
اسماء كلها تقيلة بلا مناقشة و بلا جدا, الفرق دى اسست و ووضعت حجر الاساس للاجيال اللى بعد كده, مثلا فريق
Diamondhead
يعتبر من الفرق الاساسية اللى اثرت و الهمت فرق زى مثلا ميتاليكا, و مثلا فريق زى
Judas priest
كان من الفرق اللى شكلت ملامح الباورميتال بالنسبة لبلاكسابث فاحنا بنتكلم هنا عن فريق وضع حجر الاساس للهيفى ميتال بشكل عام و انواع زى الدووم و السلادج.
اذا فاحنا هنا قدام الاباء الروحيين للجينر, اللى بدورهم كانوا متاثرين بعمالقة الستينات زى
The who
the rolling stones
deep purple
the Beatles
Led zeppelin
و غيرهم
الى الان معظم الفرق دي ليها شعبية ضخمة يعنى لما تقول
Iron maiden
و لا مثلا بلاك سابث
بتلاقى التذاكر بتخلص اول ما بتنزل و البوماتهم لسه بتتباع
الا ان التمانينات انتجت الفرق اللى الناس بتعشقها زى مثلا
metallica
megadeth
anthrax
slayer
motley crue
mayhem
celtic frost
و غيرهم من الفرق اللى برده مهمة و اثرت بشكل كبير في اجيال التسعينيات لكن في رايي ان لولا فرق السبعينات مكنتش الفرق دى طلعت من الممكن نقول ان التمانينات كانت زى موسم الحصاد, بدات ال
genres
المختلفة معالمها تظهر اكتر و يبقى ليها زى معالم خاصة بيها تفرقها عن باقى الانواع, كمثال فان مثلا ادم سميث كان من واضعين حجر الاساس للمدرسة الكلاسيكية للاقتصاد و معاه ناس زى ديفيد ريكاردو و اللى بعدهم بداوا يدرسوا افكارهم دى و يعدلوا عليها و يضيفوا ليها, نفس الكلام هنا في الميتال فرق زى بلاكسابث و موتورهيد وضعوا حجر الاساس للهيفى ميتال و بعدها طلعت فرق زى ميتاليكا خدوا الكلام ده و وضعوا لمساتهم و نقلوا النوع لمستوى اخر, يبقى السبعينات كانت الاساس و التاثير بتاعهم كبير و التمانيات هى موسم الحصاد و تطوير النوع و بداية ظهور الملامح المختلفة لل
genres
نفسها فالتمانينات طلع فيها انواع زى الثراش و اللى بدورها طلع منها الديث و البلاك, السبعينات و التمانيات كانوا الاساس , بالنسبة للتسعينيات فهوصفها بمثال لطيف الموبايل زمان كان اختراع فشيخ و ال
walkman
كمان و الكمبيوتر كان حاجة ملهاش حل فانبهرت الناس بالحاجات دى و كانت اختراقات مش اختراعات جه شخص خد كل ده و حطهم في جهاز واحد و سموه
i phone
موبايل و فيه كمبيوتر و كمان بيشغل اغانى و بيعمل كل حاجة لكن مش اختراع او مش اختراق مش عامل زى الفيديو و الكمبيوتر اول ما طلعوا فرق التسعينات و انت طالع عامله كده
انا بتكلم هنا عن الميتال مش بتكلم في حاجات زى الجرانج مثلا, و في النهاية كلها اراء...
ليست هناك تعليقات:
إرسال تعليق