سؤال ناس كتيرة بتسأله,,,
و الاجابات بتبقى يا اصلى علشان بتعبر عنى
و اللى بيقول موسيقى نضيفة
و سامع واحد هناك بيقول لانها بتناقش مواضيع حلوة
و انت تلاقيك بتقول اصلها مختلفة
اجابات كويسة و بتسمعها كتير,,,
بس لو سـألتنى هقلك ان رغم ان دى اجابات حلوة بس في رايي مش بتعبر عن الواقع, المنظرة جزء كبير من الموضوع بل انا اكاد ان اجزم ان في ناس بتاخدها مبرر علشن توصلها لحاجات تانية, حاجات تافهة في الغالب, مخدرات بقا و لا اي حاجة,
ديما بتلاقي الكائن ده, اللى واخد المظهر, تلاقيه مطول شعره, ضاربلك حبة ميك اب مثلا و تيشرتات سودة, و سلاسل و سبايكس و يحسسك انه مولود و الميتال بيجرى في دمه مش بيسمع غيره و تلاقيه في الاخر بطيخة, اكيد كلنا قابلنا المدعى ده
عالم ببواطن الامور, يحسسك انه حافظ كل اغنية اتكتبت بس هل الجوهر وصله؟؟؟
يعنى بكل اللى هو عامله ده, هل فعلا بيحب الموسيقى دى علشان الموسيقى و لا مجرد مظهر و يعمل منظر ويبقى الاهتمام عليه؟؟
في بعض الاحيان فعلا بتحس انك مش عايز حد يشاركك بالاهتمام بالميتال و الروك لان الكائن ده بيبوظ عليك الموضوع بيكرهك في اللحظة اللى سمعت فيها ميتال, تلاقي عنده من شروط الميتال انه يكون سكران في الحفلة, رغم انه مش قانون بس بتلاقيه في الحفلة سكرن طينة و لاحظ انى بتكلم عن دول زى مصر, متقوليش بريطانيا لان الشرب عنجهم طبيعى اصلا المهم, الكائن بتلاقيه معاك في الحفلة واقف مش في الدنيا, بتلاقيه ع النت بيستعرض معلوماته الفظيعة و فتواه اللى نصها اى بتنجان, بيجبوهم ع التلفزيون علشان يحرج نفسه قال ايه بيدافع على شرف الميتال, حاجة شايفها ملهاش لزمة من الاساس الا انى بحيي فريق اوريجين و شخصيات زى احمد صبحى انها قدرت او حاولت تقنع الناس اننا طبيعين و كده بس هل ده في الميتال بس؟؟
الاجابة لا طبعا, البوب مثلا تلاقى ناس بتموت على الاسطورة مايكل جاكسون في اللى بيحبه بجد و فاهم الرسالة بتاعة اغنية و بيستمتع فعلا بالموسيقى و فيه الكائن الجيلاتينى ده اللى حب مايكل علشان دى الصيحة الجديدة او لما مات فجاة طلع بيحبه قال علشان يتمنظر, شخصيا انا بحب الاسطورة التون جون بعتبره ايقونة في ممكن واحد عامل فيها انه خلاص مقطع الدنيا حبا في الراجل و في الاخر ميعرفش الا الحاجات المشهورة ليه و فيه اللى سمع كل البوماته, الفكره هنا ان الموسيقى بشكل عام مش اى حد يفهمها الناس السطحية دى هى اللى امثال
Chris brown
بيستغلوها علشان السبوبة كم سينجل على كم حفلة و خلاص هيتنسى لانه اصلا مش بيقدم حاجة في حين الجمهور الحقيقي اللى بيفهم يعنى هتلاقيه لحد اللحظه دى مهتم بمثلا
Elton john
و مهتم انه يشوف ايه احدث اصداراته, على فكرة الراجل ده من كتر ما الناس بتحترمه شارك مع
Alice in chain's black makes way to blue
الساحة مليانة بكائنات زى دى, الكائنات دى موجودة و هتفضل موجودة, و هيفضل جايبلك الكلام, و هتلاقيه بينط في حتة كل شوية انا مش معترض ان الواحد يسمع كذا نوع ما انا كده لكن الكائن الجيلاتينى ده اللى النهاردة معدن و بكره اقلب لترانس ده هيفضل ولا الدبانة كده موجود و هيقرفك و هيعملك انه حامى حمى الميتال و في الاخر بالنسباله سبوبة اهو اى حاجة يعمل فيها منظر, الحقيقة سبب كتابتى للكلام ده هى كلمة قرتها فيما معناها
ساعات اتمنى انى معرفش حد بيسمع ميتال, و فعلا شعور ساعات بتحسه بسبب الناس دى و في الاخر و اختم بكلمة لطيفة
فكك,,,
الراجل ده جاب المفيد
ليست هناك تعليقات:
إرسال تعليق