بالنسبة لناس كتير
فان معنى الميتال مشوه عند ناس كتيرة
سواء الناس اللى مش بتسمع الموسيقى دى او بعض الناس اللى بيسمعوا النوع ده من الموسيقى
لما هتقول انك بتسمع ناس كتير هيتوقع ناس كتير انك كافر و عربيد
و ده طبيعي و متوقع نظرا للثقافة الضحلة اللى مسيطرة على العالم العربي
لكن اللى لفت نظرى بقا ان في ناس في المشهد نفسه او اللي بيسمعوا ميتال يعنى بيفصلوا نفسهم عن الدين و يمكن يكونوا مركعوهاش و في منهم اللى بيعتبر نفسه مش مؤمن بحاجة على اساس ان ده الميتال ((قابلت نماذج كتير كده)) و ممكن يكون تقليد اعمى ربك اعلم بالنوايا
هدف المقال انى اتكلم عن ناس يمكن معظمنا بيسمعهم او يعرفهم و عرفوا طريق الدين و ربنا !!
هدفى من الاخر انى اقول مش معنى انك بتسمع ميتال يبقى ده معناه انك تبعد عن دينك و كمان اهو يمكن ارد على المتخلفين بتوع اوبا انت متييل؟؟ تبقى كافر,,,
......
Blackie Lawless --- W.A.S.P
VOCALS
WASP
واحده من عمالقة الهيفي ميتال مين ميعرفهمش و ميعرفش الفوكاليست بتاعهم بلاكى؟؟
في الفترة الاخيرة اعلن انه رجع مره تانية للمسيحية
من ضمن تصريحاتة بعد الاعلان ده انه مش عيغنى اغانى زى
Animal fuck like a beast
تانى بسبب كلماتها و معتقداته
......
Nicko McBrain - Iron maiden
drummer
سنة 99 اعلن الدرامر العملاق انه اعتنق المسيحية
و دى الحكاية
ديما مراته كانت بتصر انه يجى معاها الكنيسة المهم في مره كده طاوعها
و راح معاها
و حسب حكايتة اول ما دخل حس بشعور غريب الشعور ده غير حياته للابد حسب كلامه زى ما تكون رسالة من ربنا علشان يلاقى سكة الايمان حسب كلامه و من يومها اعلن اعتناقه للمسيحية و لسه في الفريق لحد دلوقتى
"I just sat there thinking, 'I didn't drink last night…why can't I
stand?' I had this love affair with Jesus going on in my heart,”
......
Brian Welch
Guitarist
Ex korn lead guitarist and co- founder
من مدمن للمخدرات و الكحوليات
و اب مهمل لبنته الوحيدة
لواحدة من اكتر القصص المثيرة من اللى قريتهم قبل ما اعمل الموضوع ده
اعتنق المسيحية و ساب كورن و بدا طريقه الجديد
عالج نفسه من الادمان و بدا يكتب اغانى عن تجربته و عن الطريق للايمان و كتب 3 كتب عن تجربتة
......
David Ellefson - megadeth
bassist
اتربى في بيت مسيحى محافظ بس اهمل الدين لما كبر
في لقاء معاه اعلن انه بدا يرجع تانى للدين لما بدا يتعالج من المخدرات سنة 90
و بدا يقوى علاقته تانى بربنا و بدا يواظب على الكنيسة تانى
من ضمن الاسباب اللى خلته يرجع علاقته بالدين انه عايز يربى اطفاله على الدين
حاليا هو بيدرس في كنيسة من الكنايس علشان يشتغل فيها
......
مع القنبلة بقا
Tom Araya - slayer
vocals and bass
و بيفصل ما بين اللى بيغنية مع الفريق و بين معتقداته الشخصية
و بيشوف ان مينفعش تغير معتقداتك او تشك فيها لمجرد انك سمعت اغنية او قريت كتاب او قصة
......
في نماذج اكتر من كده في اليس كوبر و ديف مستين و ناس تانية
المهم ان الرسالة تكون وصلت
تحياتى
,,,,
جميل الكلام ده!
ردحذفو اتصدمت بصراحة فى Tom
Tom يا جدع ؟!؟!