من يومين كده حضرت حفلة في ساقية الصاوى و رغم انى اتبسطت و كده الا انى كنت حزين في نفس الوقت
لما مثلا فريق متكون من سنة 1997 و يصدر اول البوم ليه سنة 2012 اعرف ان في حاجة غلط
انا مش بقول نروح نعدم عمرو دياب و اليسا او نروح نغتال تامر مش هنفرض الموسيقى على حد كل واحد حر
في نفس الوقت مينفعش اصرف ملايين على فنانين بلاستيك و مصتنطعين و منلاقيش حد يقدم الدعم المطلوب للفرق دى
بس من الممكن انك تدعم الفرق المحلية لبلدك لو جتلك فرصة انك تشرى البوم ليهم اشترى لان في العالم العربي الفرق دى مهضوم حقها بشكل غريب
ال40 او الخمسين جنية بلاش ال100 جنية اللى ممكن تصرفها على البوم لفريق من الفرق العربية ممكن بتكون دع كبير للناس دى ع الاقل يحسوا ان في حد مهتم عامة دى البومات انا كنت اشتريتها و عجبتنى القوا نظرة
blaakyum ---- lord of the night
فريق لبنانى اتكون في التسعينات ده اول البوم ليهم نزل في 2012 المهم الفريق ده اكتر من رائع ليهم حضور قوى جدا ع المسرح غير كده موهبتهم عالية جدا و البوم يستحق الصراحة
بشكل عام الفريق ده يستحق دعم الناس
صفحة الفريق
https://www.facebook.com/Blaakyum
.......
SimpleXity ----- click to start
ep
باند بروجريسف من مصر
البوم تحفة بصراحة و معمول فيه شغل عالى
حتى امى اتبسطت لما كانت بتسمع الالبوم و مصدقتش انهم من مصر
((بسمعها بالعافية روك و كده لما ببقا معاها في العربية))
لعشاق البروجريسف انصحهم بالالبوم ده في شغل نضيف جدا
صفحة الفريق
https://www.facebook.com/SimpleXityband
.......
massive scar era ((mascara)) --- unfamiliar territory/ precautionary measures
Double EP
بشكل عام انا بحب الاغانى اللى بيبقى فيها ميكس في الفوكال
شوية عنف على شوية كلين بتعمل جو في الاغانى فعلا الشغل اللى معمول في الالبومين دوول عاليين جدا
الكمان و شغل الفوكال تحفة
فانصح الناس لو لقت الالبومين دوول يجيبوهم هيتستمتعوا جدا
صفحة الفريق
https://www.facebook.com/massive.scar.era.egypt
.......
اكيد في البومات اكتر من كده بس ده اللى انا مشترية و سمعته
و هدعبس تانى اشوف عندى ايه و لا ممكن اجيب ايه تانى
تحياتى,,,
ليست هناك تعليقات:
إرسال تعليق