زى ما قلت ده تقييم للحفلة مع ضوية صور عرفت القطهم و يا رب يعجبكم و احب اوضح حاجة انا مش شغبتى ناقد انا هتكلم كمعجب مش كناقد فنى لان مش شغلتى انى ابقا ناقد
اولا ده زى توضيح التقييم النهائي هيبقا عامل ازاى
اولا بدا الحفلة فريق
mascara
بداية تحفة و كانت مجرد بداية لمجزرة ممتدة لتلات ساعات تقريبا
بما انى سمعت كل اغنى وشغل الفريق قبل كده من النادر انك تلاقى فريق لايف و يغلب تسجيل الالبوم نفسه ايوه الفريق امبارح ادائهم كان تحفة و يمكن غلبوا تسجيل الالبوم كمان طبعا الدرامر كان وحش و كان مسخن الدنيا اما الفيولين فكان تحفة و ده يمكن من الحاجات اللى مميزة الفريق و هو استخدامهم للفيولين بالنسبة للبيس جيتار انا بحب البيس لما يكون صوتوا واضح و عالى شوية و ده كان موجود امبارح اما الفوكلز ((و يمكن ده السبب الاساسي انى اتشديت للفريق)) فالكوكتيل بين
clean & harsh or screams whatever u call it
كان جميل جدا و يمكن بيخلى الواحد يعيش في مود الاغنية من الاخر الفريق كله كان تحفة و يستحقوا اكتر من كده ربنا يكرم و نلاقى في مصر حد يقدر الفرق اللى زى دى
....
destiny in chains
مش عارف اقول ايه زى ما بيقولوا كده الفريق جه كسر الدنيا و الحقيقة الناس كانت سخنانة جدا مع الفريق و لو عليهم كانوا ممكن يكسروا المسرح كمان من كتر ما الناس كانت متفاعلة مع الفريق عجبنى جدا ادائهم و بصراحة كنت اول مره اسمعلهم شدنى كمان لما اضافوا في الاخر كيبورد عمل كعاهم شغل حلو و ادى شكل تانى لاغانيهم نفسي اشوف الفريق ده تانى الحقيقة و اسمعلهم حاجات اكتر لانهم شدونى بصراحة
....
Dark philosophy
اولا تحية للساقية انهم بتعمل حفلات و بتوافق على وجود فرق زى كده و احلى ختام بصراحة فريق موهوب جداااا و برده اول مره اسمعلهم
و الفريق من كتر ما كان جاحد في ناس مكنتش عايزاهم يخلصوا منهم انا من كتر ما كان الوحد مندمج معاهم و احلى ختام بصراحة
....
تعالوا بقا نبص للحفلة بشكل عام
اولا احلى حاجة ان عدد الفرق كان صغير بحيث الواحد يقدر يستمتع بكل فريق و ميفصلش خصوصا لو كان اول مره يسمعلهم و كمان بيدى وقت اكبر لكل فريق .ثانيا شكل الستيج او المسرح فكرة تحفة و ادت للمسرح شكل افضل و كمان ادت مساحة اكبر للحركة للفرق و ادتلهم فرصة يتفاعلوا اكتر مع الحضور غير كده
و من خلال الصور تقدروا تشوفوا ان في مساحة اكبر و حرية اكتر للفريق انهم يتحركوا و اللى بيروح الساقية كتير هيفهم الاختلاف. بالنسبة للاضواء و كده بصراحة كانت عمله جو و حلوة جدا و بحيي الناس اللى نظمت الحفلة علشان تتطلع بالمنظر الجميل ده الانوار عملت شغل حلو مع التلات فرق خصوصا فريق
dark philosophy
اما اداء الفرق فزى ما قلت كان رائع و الناس كانت متفاعلة مع الفرق غير كل ده الحفلة جت فى وقتها علشان تخرج الواحد من موود الكئيب اللى الناس فيه . اللى مجاش امبارح فاته كتير
التقييم النهائى
ليست هناك تعليقات:
إرسال تعليق