بعض الاحيان بنلاقى البومات يا اما الناس متعرفش عنها حاجة او الناس منفضاها علشان مش اسلوب الفريق او يمكن مش ميتال ((مش فاهم معنى الكلمة دى لحد دلوقتى)) او يمكن كان صدمة للناس اسباب كتيرة و النتيجة واحدة الالبوم متنفض تعالوا نبص على شوية من الالبومات دى و ده راي شخصي ممكن كتير يختلفوا معايا
...........
Guns n Roses --- Chinese democracy
جمهور الروك و الميتال ساعات بيبقوا مش عارف اقول ايه في ناس مش قدره تتقبل الالبوم لان مفيهوش سلاش مثلا!!! الواحد لما بدا يسمع الحاجات دى علشان يسمع حاجة نضيه مش علشان ده في الفريق و ده لا. انا بعتبر الالبوم ده من اكتر الالبومات المظلومة في تاريخ الروك و الميتال فعلا البوم جميل جدا سواء من ناحية الكلمات و من اداء الفريق نفسه الالبوم يعتبر ماشي في نفس سكة شغل الفريق في التسعينات و يمكن طوروا ادائهم و طبعا زى ما الناس عارفة الفريق اتغير تغيير جذرى و اعضاء كتير اتغيروا و كده علشان كده هنلاحظ ان في تنوع في الالبوم اه ممكن ميكنش اعظم البوم عملوه بس منقدرش ننكر انه معمول فيه شغل جامد و يستحق اكتر من كده ((الالبوم باع كتير بس في ناس كرهاه))الاغانى اللى شدتنى
Chinese democracy
street of dreams
There was a time
Cather in the ray
sorry
Madagascar
prostitute
ننقل على اللى بعده بقا
....
Metallica --- load & re load
كالمعتاد و الكلام اللى الواحد حفظه اصله مش ميتال !! الالبومين دوول على بعض بيمثلوا تجربة روك تحفة اصلا اتنين من اقوى البومات الروك اللى ممكن اكون سمعتهم كوكتيل تحفة بين كذا نوع روك على بعض تجربة جديدة خرج بيها الفريق علينا انا كنت افضل انهم يكونوا في البوم واحد ساعتها كان الالبوم هيبقى زى ما بنقول متكامل المشكلة ان ريلود مليان اغانى ملهاش لازمة و لود لو شلنا منه كم اغنية هيبقى عندنا تحفة فنية بس بشكل عام الالبومين دوول فيهم تراكات مزاج لكل محبين الروك و محبين فترة التسعينات
until it sleeps
king nothing
bleeding me
the outlaw thorn
mama said
fuel
the memory remains
unforgiven II
fixxxer
devil's dance
دى احلى اغانى الالبومين في حاجات تانية بس دوول التوب
....
Megadeth --- Risk
شخصيا انا بكره التكرار يعنى لما فريق يفضل يعمل نفس الحاجة كذا مره بزهق الالبوم ده كسر الروتين حرفيا و يعتبر صدمة عصبية بالنسبة لناس كتيرة و عمل جدل و خلا ناس تتنح و النتيجة و كالعادة تنفيض الالبوم و لا كانه اتعمل اه البوم خفيف و كل حاجة بس تغيير دى حاجة تانى حاجة تجربة و وش جديد كليا للفريق و في اغانى في الالبوم بحب اسمعها و انا بتمرن الالبوم ده تسمعه لما تحب تفصل و تسمع حاجة مختلفة و جديدة الالبوم ده ممتع جدا و مختلف من التراكات اللى شدتنى في الالبوم
Insomnia
Prince of darkness
Crush em
Wanderlust
I'll be there
Ecstasy
....
end of part 1
في كم البوم تانى بس هبقا اكتبهم في مقال تانى
تحياتى
ليست هناك تعليقات:
إرسال تعليق