بعد فترة طويلللللللللللة من الانقطاع عن الكتابة هنا لسبب بسيط هو انى بخلص المشروع بتاع الجرانج اللى تقريبا خلص و بعمل عليه مراجعة بس علشان لو في حاجة كده و لا كده عايزة تتظبط, المهم مش موضوعنا دلوقتى, الموضوع الاساسى هنا هو حفلة فريق
Varden
من وجهة نظرى المتواضعة الحفلة دى كانت تعتبر اهم حفلة ميتال اتعملت في مصر ايه ده يا عم ليه؟؟ لان ببساطة قبلها باسبوع انا و انت و ناس كتير من اللى بيسمعوا ميتال و اللى عندهم فرق اتهموا انهم ببساطة
عبدة شيطان و بيمارسوا طقوس غامضة في حفل عجيب مريب في الساقية
و اتقدم بلاغات و اتعملت مواضيع فكسانة في الجرايد الا انه حصل اهتمام اعلامى و على غير العادة في منهم كان منصف و عايز يسمع و يعرف ايه الميتال ده و ايه اللى حصل في الساقية ((ليه دى قصة تانية)) و هنا يجى دور الحفلة في انها تثبت ان الناس اللى بتسمع ميتال دى في الاخر ناس عادية و طبيعية زى اى بشرى تانى و انهم لا بيعبدوا شياطين و لا بطيخ غير كده الحفلة دى كانت بمثابة اختبر لينا احنا هل فعلا هندافع عن الحاجة اللى بنحبها و هنقف سوا مع بعض و هنحاول ع الاقل نصلح صورتنا و ننقل للناس المشهد الصح و الحقيقي و نثبتلهم ان الميتال مزيكا عادية لا هى عبادة شيطان و الجو ده؟؟
و ببساطة شديدة ان الحفلة قدرت تعمل كللللللللللل ده,ابسط حاجة ان من الحاجات اللى ضيقت الناس و جماعة مراقبينك ان الناس اصلها لبسين اسود و جايين بشعارات غريبة و كده فببساطة في اليوم ده الناس جت لابسين ملون بما فيهم الفريق نفسه و لابسين تيشرتات عادية جدا لدرجة انى لما وصلت الحفلة حسيت انى في مكان غلط او انى كنت تايه
كمان وقفة الدكتور محمد الصاوى قبل الحفلة ((و الرجل ده فعلا يستحق كل الشمكر و التقدير)) و اصراره عن موقفة في الدفاع عن الساقية و عن الحاجات اللى بتقدمها و يكفى انه قرر ان الحفلة متتلغيش لو حد مكتانه كان قال بلا وجع دماغ و الغى يا حج. جو الحفلة نفسه كان لذيذ و كان في تفاعل ما بين الفريق و الحضور و ضحكنا و كده فقضينا وقت ممتع جدا و دى حاجة كانت صح جدا انها تتعمل في الوقت ده و كانت في رايي عامل من العوامل اللى ساعدت في ان الحفلة تحقق اغراضها. موسيقيا فان موسيقى الفريق لذيذة و تتهضم لو انت ملكش في الميتال بدرجة كبيرة لانى مش مقتنع انك اول ما تحب تعرف حد على الميتال تروح مثلا مسمعه ديث و بلاك و تعمله انهيار عصبى . عجبتنى جدا ان في اعضاء من كذا فريق حضروا الحفلة لفتة حلوة لان في وقت زى ده لازم الكل يقف مع بعضة و في رايي الحفلة دى ضربت القضية بالبلاغ في مقتل المسمار الاخير في نعش البلاغ بعد الكم لقاء التلفزيونى اللى اتعملوا للكلام عن القضية و تعريف الناس بالميتال و كده
هل عندى ملاحظات؟؟
في الواقع اه بره لما فريق بيقرر انهم يغيروا عضوا او يضيفوا حد جديد بلاحظ انهم بياخدوا وقت كبير علشان يبداوا يتعودوا على بعض و بيعملوا مجموعة حفلات مع بعض علشان ياخدوا على بعض اكتر و في نماذج كتيرة و اقرب حاجة على بالى ان مثلا فريق
drowning pool
قاعدوا فترة كبيرة يغيروا في فوكالز و لما استقروا مع واحد قاعدوا فترة على اتعودوا عبلى بعض لذلك طلع مثلا اول البوم سجلوه سوا مش قد كده و اللى بعديه طلع احلى و هكذا
طبعا مش هدخل في تفاصيل اكتر علشان مش وقته نرجع للموضوع حصل ان الفوكاليست ((ايمن)) ساب الفريق لاسباب خاصة و طبعا بنمتنى ليه كل التوفيق في حياته و بصراحة هو موهبة اكثر من رائعة و زعلت لما عرفت انه مشى المهم جابوا فوكاليست جديد في مصر لا عندنا مجموعة حفلات و لا جولات زى بره حسب معلوماتى هو التمريه اخره الاستدوديو و كده اعتقد ان دى اول حفلة ليه مع الباند طبيعى ان الواحد هيحس ان لسه في شغل لازم يتعمل علشان ياخد على الفريق اكتر لذلك مش هعرف انتقده دلوقتى بل بالعكس المفترض انى اشجعه ((انا معرفش هل ادهم مستمر مع الفريق و لا ايه)) لكن انا فعلا مش هينفع انتقده او الومه حاليا لازم اسيب فرصة لحد ما يحصل شغل اكتر مع الفريق و يتدربوا مع بعض اكتر و ياخد اكتر على اغانيهم و كده
لذلك انا مستنى اشوف الفريق تانى و اشوف التقدم اللى هيعملوه سوا ((متفائل ان شاء الله)) ده ميتعبرش ريفيو اكتر ما هو زلاى رايي كده يحتمل الصواب و الخطا و زى ما بيقولوا الاختلاف في الراي لا يفسد للود قضية
و طبعا مفيش طريقة احلى لختام كل ده الا صورة جماعية لطيفة للفريق مع الناس اللى حضرت
((special thanx to
Nhật Nguyễn for allowing me to use this picture, thanx buddy))
like the band on FB
https://www.facebook.com/vardenband
ليست هناك تعليقات:
إرسال تعليق