حصريا ... لقاء مع فريق Redeemers

واحده من اشهر فرق الاندرجروند في مصر بدا الفريق سنة 2001 على ايد الجيتاريست وائل نصر و الجينر بتاعهم سيمفونيك روك و كلمات اغانيهم بتتمحور بين الواقع و الخيال. الفريق بيتكون من 

وائل نصر

Guitars- music composer

دانى فهمى

Vocals & guitars

جرمين نصر

Bass

امير

Drums

ارجو ان اللقاء يعجبكم يالا نبدا

احكلنا كده ازاى الفريق بدا؟ الفكرة جت ازاى؟

وائل :- في عام 2001 بدات في تاليف الموسيقى و بدات ادور على اعضاء لتكوين     الفريق, دانى كان جار و صديق منذ الطفولة. جرمين كانت تعرف بعض اصدقائى و  كانت بتلعب جيتار كلاسيك ساعتها. اما امير فاتعرفت عليه في حفلة في القاهرة 

.....

اكيد كان في صعوبات و انتوا بتعملوا الفريق ايه هى الصعوبات اللى قبلتكوا؟

اكتر حاجة صعبة ان اعضاء الفريق ماكانوش بيقدروا يوفقوا بين دراستهم او شغلهم و بين شغل الفرقة و مكنوش بيقدروا يكملوه و ده اتسبب في تغيير اعضاء الفرقة كتير

.....

بالنسبالكم هل الفريق واخدينة كحاجة زى شغل و لا دى مجرد اشباع لهواية حبكم للموسيقى؟ 

في البداية كانت مجرد هواية لينا و لكن بعد فترة بقى الفريق محور كل اللى بنعمله في حياتنا و ديما كنا بنطور ادائنا و بنحاول الارتفاع بيه لمستوى اخر للمنافسة على نطاق اوسع

.....

طبعا اجابة السؤال ده هتعتمد على اللى قبله, هل جربتوا تنشروا الاغانى بتاعتكم برا مصر و للاجانب؟ 

اكيد , فمن خلال الانترنت و الموقع الخاص بينا و اليوتيوب اصبح سهل جدا نشر الاغانى, الحفلات و الفيديوهات و الحمد لله ده اتسبب في نشر الاغانى جوه و بره مصر

.....

   من وجهة نظركم ايه الحاجات اللى واقفه قدام انه يبقى عندنا ميتال سين نضيف و قوى في مصر؟ 

في راينا الشخصي علشان الميتال سين في مصر يبقى قوى لازم فرق الميتال المصرية تبقى قوية و تبذل اقصى جهد في تحسين مستواها باستمرار و التركيز في الاغانى على افكار جديدة مبتكرة و الاهتمام بوسائل الدعاية خلال الانترنت

.....

كفريق ايه الحاجات اللى بتلهمكم و انتوا بتكتبوا اغانيكم؟

اغانى الفريق مستوحاة من الحياة العامة و المواقف اللى بتواجه الانسان كل يوم و 

احنا بنقدم المواقف دى في شكل اساطير و قصص خيالية زى

The Genie , Religious man, scheherazade & Gulliver's travels 

.....

طبعا مبروك على الفيديو الجديد احكلنا عن الكليب و الاغنية و هل معنى كده اننا      

ننتظر منكم البوم جديد قريب؟

 الله يبارك فيك, ده مجرد فيديو بسيك لعرض افكارنا باقل التكاليف, و ان شاء الله في المستقبل هنصور الفيديو بالشكل اللى احنا متخيلينة و ده هيعتمد على تكاليف انتاج الفيديو الغير متوفرة في الوقت الحالى. و بالنسبة للاغنية فهى رواية,كتبها سنة 1726و اسمها jonathan swift ل

و ان شاء الله في البوم قريب  ,gulliver's travels 

.....

مش هنشفكم لايف قريب؟

احنا بس مستنيين احوال البلد تهدى شوية

.....

ايه امنياتكم و احلامكم في مصر بعد الثورة؟

ان يبقى في تقدير لكرامة المصري في اى حتة في العالم 

.....

the band's official web site

http://www.redeemersband.com/

قريبا

انترفيو مع الفريق المصري ريديمرز

Sooooooooooooon

 انترفيو قريب جدا 

;)

2011 رحلة للماضى

2011

عام العودات ....

يمكن اكتر حاجة مميزة السنة دى هى عودة فرق كانت مختفية من 10 سنين او منزلوش اى البومات جديدة من فترة طويلة في اللى منزلش من اربع سنين و فيه اللى منزلش من اكتر من 14 سنة!!!!

 بعد اكتر من 14 سنة اتحفنا فريق whitesnake بالبومين تحفة يخليك تعيش جو الروك القديم و تعرف الفرق بين الموسيقى الحقيقية و القرف اللى مسيطر ع الساحة واحد فى سنة 2008 و ده كان اول البوم يصدروه من 11 سنة, و التانى اصدروه السنة دى و اسم الالبوم forever more .

.....

بعد غياب اكتر من 10 سنين ماصدروش اي البوم جديد بيرجه مره تانية فريق mr big بالبوم جديد what if 

و الالبوم كويس بس مشدنيش فيه اوى الا اغنية واحدة هحطها هنا.

.....

لكل اللى عايزين يسترجعوا ذكرياتهم القديمة ايام الشباب و بداياتك مع الروك و الميتال, بيرجع مره تانية للساحة فريق ليمب بيزكيت و كان اخر البوم اصدروه كان سنة 2005 و ريحوا فترة و رجعوا تانى و اصدروا السنة دى البوم gold cobra و رغم ان الالبوم مش قد كده بس برد اكيد حسيت بالحنين للايام دى.

.....

و بما اننا بنتكلم عن فريق ذكريات الطفولة و بداية عهدك بالموسيقى دى فاكيد مش هنسى ايفانيسنس و بيرجعوا لينا تانى بالبوم جديد مسمينوا على اسم الفريق و الحقيقة الالبوم كان اقوى من المتوقع و كمان حسيت بحنين غريب للفريق رغم ان الغالبية العظمى من المتيلة بتكرهه بس يا اخى برده الفريق ده بيعمل جو و شعور مختلف الالبوم مليان اغانى حلوة بس اللى ثابتة معايا اوى اغنية oceans .

.....

السنة دى و بعد غياب بتاع اربع سنين بيفاجانا فريق اوبيث بالبوم جديد heritageو في نفس الوقت عمل صادمة للناس عملوا شفت بشكل غريب و دخلوا على جو بروجريسف مع موسيقى نفسية, الالبوم تعرض لانتقادات غريبة بس كالبوم بروجريسف روك فهو يعتبر كويس جدا مش وحش.

.....

بعد فترة غياب قصيرة بالمقارنة بباقى النماذج اللى ذكرناها بيرجع تانى فريق in flames بالبوم جديد و قسم معاه الاراء ما بين محب للالبوم و معارض للالبوم و الالبوم يعتبر نقلة للفريق و يعتبر البوم مختلف عن باقى شغلهم.

و على المستوى الشخصي فالالبوم حلو جدا بالنسبالي.

.....

بالنسبة للناس اللي بتحب الروك الحديث طبعا مننساش عودة سيزر بعد اربع سنين من اصدار اخر البوم ليهم. الالبوم اسمه طويل جدا الحقيقة holding onto strings better left to fray الالبوم يعتبر تجربة جديدة للفريق يعنى قدموا فيه شغل جديد شوية عليهم بس حلو جدا و الكلمات جت حلوة في الالبوم ده.

.....

بعد 5 سنين من اصدار اخر البوم ليهم بيرجع red hot chili peppers مع الجيتاريست الجديد بتاعهم علشان يقدملنا البوم رائع !!! 

الالبوم ده تسمعه لما تكون مفرفش كده و عايز تسمع حاجة تخليك قاعد كده فايق و مندمج !!!

من اكتر البومات الروك اللى شدتنى السنة دى.

.....

من الالبومات اللى لفتت نظرى فعلا السنة دى هو البوم foo fighters- wasting lights و بلا جدال بعتبره من اقوى البومات الروك ((مودرن)) اللى سمعتها السنة دى و في حياتى الالبوم خلطة بين المودرن و في رايي الروك القديم انصح الجميع بانهم يسمعوه ((اخر البوم قبل ده كان في 2007 ))

.....

طبعا هختم بدوول

رغم انه نزل في 2010 بس نزل بشكل رسمي في 2011 مش محتاج اقول حاجة لا عن الالبوم و لا الفريق الاسم بيتكلم عن نفسه....

هتقلي طب ميتاليكا؟؟ هقلك لا ده عايزله موضوع تانى

لانها سنه عجيبة بالنسبة ليهم 

تحياتى...

انتظرونى يوم الخميس

............

و نظرة على 2011

SOOOOON

نظرة على 2011

the come backs 

metallica's 30th birthday

دى زى تغطية او نظرة على ازاى الفرقة السنة دى احتفلت بعيد ميلادها التلاتين. اولا الفريق حب يدينا ep صغير فيه اغانى اتعملت من ايام تسجيل البوم death magnetic بس متمش ادارهم في الالبوم.

لو عايزين تشتروه:-

http://itunes.apple.com/us/album/beyond-magnetic-ep/id485472347

او نزلوه تورنت من هنا 

http://thepiratebay.org/torrent/6873469/Metallica_-_Beyond_Magnetic_%5BEP%5D_-_2011

.....

طبعا زى ما احنا عارفين الفريق قام بعمل حفلة علشان يعيدوا ع الناس من خلالها اجتمعوا مره تانية مع جيسون نيستد و طبعا العبقري ديف مستين, الحفلات دى شارك فيها مجموعة كبيرة:-

Lou Reed

Kid rock

Ozzy osbourne and geezer

apoclayptica

Bill byford

John marshall

Sean harris

mercyful fate

زى ما احنا شايفين الفريق جاب كمية ناس رهيبة تحتفل معاهم.

و دى ليست الحاجات اللى لعبوها ((اللى لقيتوا))

To Live Is to Die
Enter Sandman
Holier Than Thou
Disposable Heroes
Bleeding Me
Wasting My Hate
My Apocalypse
Just A Bullet Away
Breadfan
The Memory Remains (with Marianne Faithful)
Killing Time (with Ray Haller)
Turn the Page (with Kid Rock)
The Four Horsemen (with John Bush)
Iced Honey (with Lou Reed)
The View (with Lou Reed)
White Light/White Heat (with Lou Reed)
Creeping Death (with Jason Newsted)
Battery (with Jason Newsted)
Mercyful Fate (with Mercyful Fate)
Seek and Destroy (with many guests)

Call of Ktulu
No Remorse
The Shortest Straw
Leper Messiah
The Day That Never Comes
Carpe Diem
Hate Train
Please Don't Judas Me
Wherever I May Roam (with fan club guy)
Sad But True (with John Marshall)
No Leaf Clover (with Apocalyptica)
One (with Apocalyptica)
Harvester of Sorrow (with Newsted)
Damage, Inc. (with Newsted)
Motorcycle Man (with Biff Byford of Saxon)
The Prince (with Diamond Head)
It's Electric (with Diamond Head)
Helpless (with Diamond Head)
Am I Evil (with Diamond Head)
Seek and Destroy (with all guests)

بالنسبة ليا فانا احب اختم بحاجة حلوة طبعا احنا عارفين الالبومات اللى كلنا حافظينا للفريق انا هنا هركز على اغانى محدش مهتم بيها اكتر 10 اغانى بيعجبونى من بعد البلاك البوم لان الالبومات اللى بعد كده اتظلمت و مخدتش حقها 

و لما تنزل فيديوهات رسمية او البومات الحفلات دى هجبها ان شاء الله...

تحياتى

30 years

تغطية لاحتفالية ميتاليكا بعيد ميلادهم التلاتين...

 صور للحفلات اللى عملوها بالمناسبة دى, اجتماعهم مع ديف و جيسون و غيرهم...

قريبا,,,

معدن حقيقي و مضروب !!!! لا يا راجل !!!

الواحد لما بدا يسمع روك و ميتال و هو فاكر انه 

خلاص بعد عن التافهة و هيقابل ناس عاقلة و جو مثالى كده. تخيل مثلا بتسمع لينكن بارك و لا حاجة و تبقى مستمتع و عجبك اللى بتسمعه و مستمتع و يجي فجاة حد يقلك عدم المؤاخذة ده مش معدن حقيقي !!!!

حتى الموسيقى نفسها بقينا نقسمه معدن حقيقي و مضروب!! و ده بيترتب عليه طبعا نقسم الناس لمعدنى حقيقي و معدنى مضروب اه طبعا في ناس عايزة الحرق باوسخ جاز بس مثلا لو حد بيحب slipknot w dimmu borgir ميبقاش معدنى حقيقي على اساس انه بيسع سليبنوت !! طب على اساس ايه التقسيمة؟؟ ما ممكن كلام الفرق دى بيبقى حلو جدا !!! لا و طبعا التقسية بتطول الجينر و انواع كمان يعنى يقلك كريدل مثلا فريق مبزورين و معرفش مين اه اصله غير نوعه يبقوا لا خلاص عايزين الحرق !!!

ميتاليكا جربوا انواع كتيرة بدل ما نستمتع بالتشكيلة اللى قدموها لينا يعنى عايز روك هتلاقى عايز ثراش اسمع اول اربع البومات عايز مودرن شوف حاجتهم الجديدة منوعين يعنى لكن لا ازاى!! نفضل نقرف بعض بجدال عقيم و نقسم نفسنا احزاب و نقسم نفسنا لجماعات و نفضل نرغى ددول بقوا زى الزفت دوول معرفش ايه!! هنستفيد بايه اصلا بالمناقشات السخيفة دى؟؟؟ تحط صورة معرفش مين يقلك لا لا لا مش معدنى !!! مين اداك الحق انك اصلا تصنف معدنى و لا مش معدنى ما كل واحد حر في اللى بيسمعه طالما مبسوط و اصلا في معنى بيوصل و موسيقى حلوة و نضيفة بدل حالة القرف اللى مسيطرة اليومين دوول !!! انا عندى اسمع لينكن و ايفنسينس احسن من بيبر و ليدى كاكا!!! 

فعلا بنعرف ازاى نبوظ كل حاجة حلوة في حياتنا!!!

دى شوية اغانى ((مش معدنية على حسب تقدير بعض الناس او روك مضروب مش مستوفى الشروط بس عجبانى بقا انا مستغنى عن لقب معدنى حقيقي مش عايزه المهم انى مبسوط ))....

الخلاصة ان مش كله هيعرف يسمع بلاك و ديث و هيفي قديم و ثراش!! فيه ناس شايفة ان المودرن و الالترنتف و الكور هو بيعبر عنهم و عن ارائهم ((مبتكلمش عن اللى اصلا مش عارفين اى حاجى في حاجة)) ليه بقا احسسه انه مش طبيعي و يولع بجاز !!!!!
مقالة صغيرة بس كلمتين حبيت اطلعهم...
بالنسبة لاخر الاخبار حاليا يعنى شبه خلاص وصلت لانترفيو مع باند بس مش هعلن اى تفاصيل الا لما الموضوع يتم,,,


تحياتى 

معدن حقيقي و مضروب؟؟؟

قريبا...

تلاتين سنة ابداع /m\ خواطر معجب مهووس :)

ميتاليكا!!!!

ده مش مقال نقد و لا تاريخ انما هكتب كلمتين عن فريقي المفضل...

تلاتين سنة مرت على وجودهم على الساحة...

تلاتين سنة من المخاطرة...

تلاتين سنة من التجارب الحلوة و الوحشة...

تلاتين سنة من اللحظات الحلوة و الوحشة...

مهما اختلفنا لكن لازم نعترف ان الفريق يمكن يكون انجح فريق ميتال على الاطلاق بجماهريته الواسعة و مبيعاتة القوية و تجربتهم تقريبا لكل الانواع...

مين فينا مسمعش master of the puppets و لا استمتع بقوة الشباب في kill em all و لا غرق في حب the unforgiven , و لا شاف جانب مختلف من الفريق في لو و ريلود و عملوا البومين يعتبروا حلويين جدا بمقاييس الروك, و لا قعد يشوف تحيتهم للفرق اللى بيحبوها من خلال عمل البوم بحالة COVERS للاغانى اللى اثرت فيهم يمكن حتى غلبوا الاصل!!! و لا قعد حس بدى الغضب اللى كان مليهم و كمية المشاكل اللى كانت مسيطرة عليهم و ترجموها خلال ST ANGER و شفنا رغم تقدمهم في السن الا انهم عملوا ميكس بين اسلوبهم الجديد و القديم في DEATH MAGNETIC ؟؟ 

مين مستمتعش بعروضهم و حفلاتهم ؟؟؟

معظم الفرق اللى ع الساحة مناثرة بالفريق ده و باغانيهم و البوماتهم...

مهما هيتقال الا ان محدش يقدر ينكر ان الفريق ده من اكتر الفرق اللي اثرت على الميتال و علينا احنا شخصيا...

و الفريق له معايا انا شخصيا ذكريات مثلا الاغنية دى كنت بعشق اسمعها و انا بذاكر لما كنت في ثانوى و بذاكر...

بالمناسبة دى الفريق اصدر تراكين المفترض انهم كانوا يكونوا من ضمن الالبوم اللى فات

و ادى التراكين...

طبعا الواحد كان يتمنى الفريق يصدر البوم بالمناسبة دى بس قشطة مش مشكلة التراكين دوول عملوا الواجب :) ...

مش هعرف اعمل ليست باحلى اغانيهم و الجو ده لانى مش مقتنع ان الفريق عمل حاجة وحشة ...

HAPPY FUCKING AWESOME BIRTHDAY METALLICA :D

تحياتى...

The love songs

مقالة خفيفة شوية تطلع الواحد من موود المذاكرة و السياسة و الجو ده...

عنوان غريب شوية بس اقتبسته من اسم اغنية لقيتة لايق على اللى هكتبة في المقال.

الحقيقة الروك و الميتال مليانين ((بالذات الروك)) باغانى الحب بس بيميزها عن باقى الانواع ان كلماتها بتبقا احلى و بتشدك اكتر و بتحس انها بتبقى فعلا طالعة من القلب و تاثر فيك. تعالى نبص على مجموعة اغانى بتشدنى في الموضوع ده من غير ترتيب طبعا و زى ما قلت الهدف اننا نغير الموود و نبعد عن التوتر اللى حولينا ده...

يالا نبدا:- 

Whitesnake

اكيد مهظمنا يعرف الفريق ده, و بصراحة اغانيهم ((الحب بالذات)) قوية جدا و كلماتهم بسيطة بس يمكن بتعبر عن حاجات كتير ممكن تكون مش عارف تعبر عنها . زى الاغنية دى:-

whitesnake -- looking for love

الحقيقة اكتر حاجة مخلية للاغنية جو هى الفوكال, الاخ ديفيد عمل فيها شغل عالى جدا.

.....

Skid row

عودة لايام التمنينات المجيدة الفريق ده يمكن من اكتر الفرق اللي بحترمها و بيتكلموا في حاجات كتيرة بس ليهم اغنية حب شدتنى و في الجول بصراحة و اسمها بسيط جدا بس معبر و يميز الاغنية ان بدايتها هادى و بعد كده بتسخن و الكلام ده متناسق مع الكلمات فيخليك تعيش الاغنية.

I remember you,,,

و بشكل العام الاغنية تعتبر من اقوى الاغانى اللى اتعملت في التمانينات ((عصر الhair metal ))

.....

السبت الاسود ((بلاك سابث))

ليهم برده نصيب في الليله, لفتت نظرى اغنية ليهم من فترة في البوم يمكن مش واخد حقة, الاغنية اسمها no stranger to love و بصراحة الاغنية معمول فيها شغل عالى جدا بالذات الانترو بتاعة الاغنية خلطة تحفة بين الجيتار و الكيبورد عملت جو رائع للاغنية.

.....

scorpions

الخبراء, فريق من اعرق الفرق اللى على الساحة و ليهم نصيبهم من الاغانى الرومانسية و احترت اخترلهم انهى اغنية بصراحة و قررت اختار send me an angel شخصيا انا بحب التراك ده جدا و مدمنه بمعنى الكلمة.

.....

و دلوقتى مع الملحمة, اغنية تعتبر مسرحية 10 دقايق تقريبا من المشاعر و الحون و الفرح و كل حاجة, خليط تحفة من المشاعر و الاحاسيس و معجنة موسيقية november rain بتاعة guns n roses..

اكتر حاجة بتميز الاغنية هى الصولو بتاع سلاش و اللى بيعبر و بيترجم الاغنية كلها فعلا تراك لازم يتسمع و اعتقد ان المعظم عارفه و سمعه...

في طبعا اغانى اكتر بس طبعا صعب احطهم كلهم ممكن ابقى اعمل جزء تانى و لا حاجة
المهم ارجو ان اختياراتى تكون عجبتكم...

تحياتى,,,