زمان (مش قوى يعنى) ايام العصر الدهبي لمنتدى الديفيدى, كان في مسابقة نتج عنها موسوعات مختلفة عن انواع الميتال و كانت النتيجة
موسوعة عن الدووم
موسوعة عن الديث
موسوعة عن البلاك
المهم الفكرة كانت فاجرة, و نجحت الحقيقة و كانت من العلامات التاريخية للمنتدى, بعدها انضمت للمجموعة موسوعة عن الهيفي ميتال, ساعتها قلت لنفسي ليه معملش حاجة زى كده؟ الفكرة بقا طب اعمل عن ايه؟ فلان بحب الجرانج قررت انى اعمل موسوعة عن الجرانج, بس الحقيقة الموضوع مكنش سهل كده, ساعتها كنت مشغول في الثانوية العامة بعد كده الجامعة و بعد كده حصلت خلافات في المنتدى يعنى كل شوية تتطلع حاجة تعطل شغلى في الموضوع ده, خلال الفترة دى عملت مواضيع عن الجرانج و عملت موضوع كبير عن فريق
Pearl jam
و كنت كمان عملت موضوع عن فريق
Alice in Chains
و عملت هنا على المدونة موضوع اسمه
The rise and fall of grunge
بس في الاخر صممت انى اكمل الموسوعة و كانت النتيجة و الحقيقة انا لازم اشكر المبدع محمد سعد على تصميمه للغلاف
موسوعة فيها كل حاجة عن الجرانج تاريخ و فرق و اشهر البومات الفترة دى وخصائص النوع ده
الموسوعة على
PDF
SIZE 7mg
7 ميجا
حجمها مش ضخم يعنى
طبعا مفيش حد بيقرا موسوعة كاملة المهم انا رفعتها على موقعين NEW
ليه مفيش ميتال عربي؟ بس السؤال مش دقيق الحقيقة انا شايف ان صيغة السؤال المفروض تكون ليه مش كتير بيغنوا اغانى ميتال عربي؟
بشكل عام فان الانجليزى هى اللغة المسيطرة على الساحة بما انها من اكتر اللغات انتشارا و تاثيرا و ناس كتير بتتكلمها ده غير ان اصلا الميتال نشأ في بريطانيا بس هل محدش كسر القاعدة؟؟ يعنى هل مينفعش حد يطلع يغنى روك او انجليزيى بلغة تانية غير الانجليزى؟ الحقيقة في كم فريق كسروا القواعد دى زى الفريق الاسرائيلي الشهير
Orphaned Land
معظم اغانيهم اصلا بيغنوها بالعبري
نموذج كمان هو الفريق الالمانى المشهور
Rammstein
و ده مش وقت خناق ان كانوا معدن حقيقي و لا لان مش ده هدف الموضوع
المهم لو جينا نبص لليركس هنلاقيها المانى و رغم كده انتشروا و عملوا نجاح ضخم , و طبعا مينفعش ننسى الباشا
Burzum
دى نماذج حبيت استعين بيها لتوضيح الفكرة, انا كنت قلت فوق ليه الميتال بالعربي مش منتشر؟؟ بدل ليه مفيش ميتال عربي لسبب بسيط لانه في فرق فعلا بتعمل اغانى ميتال بالعربي و باالتحديد في فرقتين لفتوا نظرى في القصة دى
الفريق التونسي
Myrath
و الفريق المصرى
Origin
https://www.facebook.com/Originstation
لما تيجي تسمع الفريقين دوول و الاغانى بتاعتهم اللى بالعربي هتحس و بدون مبالغة بجمال اللغة العربية, فعلا اللغة العربية دى لغة جميلة جدا يعنى لما واحد يقرأ حاجة زى كده مثلا
ده مقطع من اغنية لميراث
Tales of the sands
خليط العربي و الانجليزى اللى الفريق بيعمله بيعمل للاغانى بتاعتهم جو تانى المهم, هنا لازم الواحد يسأل نفسه طالما اللغة بتاعتنا حلوة كده ليه مش بنستخدمها رغم انى واثق انه لو تم استخدامها هنطلع اغانى حلوة جدا زى ما وريتكم , في رايي الموضوع ده له كذا سبب اولا لازم نعترف ان ناس كتيرة بشكل عام بدأت تهمل اللغة العربية و بالنسبالها العربي ده حاجة فلاحى, افتكر انى لما بدات اكتب بالعربي على الفيس ناس بدات تقلى ايه شغل الفلاحين ده؟؟ و طبعا استبدلوا الكتابة بالعربي باللغة المشوهة دى
franco shit 2zik w kda
حاجة غريبة, تنم على الاستسهال, و يمكن يكون ده سبب كمان مخلى الناس تهمل العربي, الناس بتستسهل, متعودة خلاص على الانجليزى في الكتابة على الموبايلات و الكومبيوتر و الحاجات دى, من الممكن تكون دى مأثرة في فكرة ليه مفيش ميتال عربي منتشر, سبب كمان في رايي هو ضعف تعليم العربي في المدارس و الحقيقة في مصر دى مصيبة في ناس اصلا مش بتعرف تقرا عربي خصوصا خريجين المدارس الاجنبية. انا لما قررت اعمل المدونة قلت هعملها بالعربي لانها حاجة مش منتشرة لما قلت الفكرة دى لصحابي كان الرد و انت هتلاقى ناس تقرا بالعربي؟؟ و فعلا انا سالت نفسي السؤال ده فالفكرة هنا مش ليه الميتال بالعربي مش منتشر القصة اكبر, القصة ان احنا مهملين اتجاه اللغة بتاعتنا انا بدات الاحظ ان في كتير بدأوا يشوفوا كده و في صفح زى
ما يطلبه الميتالجية كده
العربي ده شىء اساسى فيها و يمكن ده سبب انى معجب بالصفحة, بشكل عام الاسباب ممكن تكون كتير زى ما ذكرت فوق ما بين تعليم رخوى, لحالة من الاستسهال لفكرة مم لا العربي يع, للفكرة المعتادة بتاعة عايزين ننتشر فنغنى انجليزي بما ان دى اللغة المنتشرة بس الحقيقة دى مش حجة لان انا ذكرت فوق نماذج لفرق قررت انها تغنى بلغتها الاصلية, و حتى ان كنت عامل الفريق كحاجة للتسلية او كده فاعتقد ان ده مش معناه ان الواحد ميجربش و ميحاولش يكتب بالعربى عامة تعددت الاسباب و الفكرة واحد نفسي فعلا الاقى ناس اكتر بدات تهتم باللغة, هما فرق زى رامشتين و لا الارض اليتيمة احسن مننا في ايه؟؟ عامة كل ده ارائى الشخصية تحتمل الخطأ طبعا بس كنت لازم انا و ناس كتير السؤال ده
نختم بقا باغنية للفريق ده
فخر الصناعة التونيسية
Time took away that glow in your eyes, slew from your tears. Joy turned to pain, love to hate.
بعيد علي غالي سنين كل مـــا الشمس تغيب تحرقلي قلبي تزيد فنيت أيــــام شبابك فــــــدا دارك وصغارك كل يوم تزيد تذوق الويل
Time swept away passion and heat out of your heart. Pain grows in mine, hate and madness scars it hard.
بعيد علي غالي سنين كل مـــا الشمس تغيب تحرقلي قلبي تزيد فنيت أيــــام شبابك فــــــدا دارك وصغارك
بعيد علي غالي سنين كل مـــا الشمس تغيب تحرقلي قلبي تزيد فنيت أيــــام شبابك فــــــدا دارك وصغارك كل يوم تزيد تذوق الويل
So i decided to spice thing up here on the blog, since its a blog about music why not review and analyse musical documentaries??
So i decided to begin with this one PJ20, now this is a really really great documentary to start with, so let me first give you an introduction about the movie, it was directed by the awesome one himself
cameron crowe
this actually is one of the movie's strong advantages, you see cameron was one of the most important forces in the Seattle grunge scene, plus he has been with the band since their beginnings so when you watch the film you'll feel and seethe chemistry between him and the band. In this movie crowe takes you back to the 80s, in the mother love bone era ((a band formed by guitarist Stone Gossard and bassist Jeff Ament with the singer Andy Wood )),
then he shows us what happened after the death of andrew, and how both stone and jeff moved on to form ''pearl jam'', it also shows how they were introduced to Eddie Vedder, i'm not going to tell the whole story, but the best thing about all of this that you'll get the chance to see candid and old footages of the band in their early days, which is a really great thing for any fan, if you ask me those footages could make you know more about the whole Seattle scene unlike any other musical movement the bands in the Seattle grunge scene actually loved and respected each other just see the friendship between soundgarden and pearl jam and how Chris Cornell (soundgarden) along side jeff and stone decided to make a tribute band to their late friend andrew wood, so if you want to get a deeper look at the whole grunge scene this movie will help you to do so. Then we begin to see how the band made huge success and how it badly affected eddie vedder, which was the case of most grunge bands, you see when grunge became the new 'thing' in the 90s, every one wanted to be part of the scene, funnel shirts became the new fashion, companies wanted more but this began to negatively affect the grunge bands, lets face it those bands were not ready for all of this, so for me this movie isn't only about pearl jam but i also see it a movie about the grunge scene as well. The story telling is made in a really interesting way, you get to hear it from the band members themselves you get to see how they remember the story, plus you get to listen to some of the people who were there since day 1 like Chris Cornell.It is really interesting to see how the band managed to survive in those 20 years, they are the only grunge band that didn't break up at any point, for me grunge was the last real music scene that made an impact, so it was really interesting to see such a band still here till now producing good music, still touring, and you get to see them describing their ups and downs and how they transmitted from crazy drunk foolish teens into this
I really had fun watching this film, see how the members tell their side of the story, the creative problems between eddie and the rest, the really great candid and old footages and how the band survived breaking up in a lot of occasions. This movie is recommended to music fans and yes Pearl jam fans....
قامت الثورات في دول عربية زى مصر كده و بقيام الثورات دى ارتفعت الامال, و احلام كتيرة بدات تسيطر على الناس, و خلاص خلصنا من الانظمة الفاسدة و المتحكمة في كل حاجة حتى احلامنا, الكلام ده كان حلم كل الناس في مصر و باقى الدول اللى حصل فيها ثورات و اللى محصلش فيها الناس بدات تفكر في انها تثور, شخصيا انا كان عندى شىء من الامل خصوصا في حوارات الميتال و حفلات الميتال و الحقيقة كان في بوادر ان احنا فعلا ممكن يحصل تغيير و شفنا حفلات متيرة بتتعمل و مهرجانات زى
Metal Blast
بدات تعمل شغل رائع و تجيب فرق من مختلف دول العالم العربي و ما تكون الدنيا خلاص بدات تتعدل جه في النص نظام جديد
في مصر يعنى ((انا مقدرش اتكلم عن باقى الدول العربية لان معنديش معلومات كافية تخلينى اتكلم على لسان حد بس اكيد الحال من بعضه)) نظام متستر في عباءة دينية, نظام انا شخصيا مكنتش اعرف انهم عايزين يحكموا على كل حاجة و على اى حاجة و كانت البداية ببلاغ اهبل بيتهم فيه فرق بممارسة طقوس عبادة الشيطان و هبل كده و القضية اتنست و فشلت افتكرت ان الموضوع كده خلص لكن اذ فجاة نقابة المهن الموسيقية قررت انها تشد الفيشة و تقول مفيش غنا غير بكرتية النقابة!! علشان تظهر انواع جديدة من الطرق المتعجرفة في تقييد اراء الناس, اى حاجة بيشعروا فيها انك ممكن تعلن فيها رايك لازم يموتوها لان ازاى نسبهم يسمعوا اللى يحبوه و يقولوا ارائهم و ده بالنسبة لاى نظام بليد خطر, اه ال500 واحد او اقل او اكتر معرفش اعدادا اللى بيحضروا بالنسبة للدولة دى وجع دماغ وبعض الشىء خطر بالنسبالهم اوعى يفتكر انهم هيسيبوا حد في حاله و الدليل واضح و صارخ عامة, عايزين باى شكل يقفلوا القنوات المعارضة و الحاجات اللى هما حسينها ضد افكارهم و مبادئهم و بالدستور الجديد و بافكار زى ان الدولة و المجتمع بياحفظوا على قيم المجتمع يديك الشعور بمدى شدة المعركة ممكن تلاقى اللى يقلك ان الميتال ضد اعراف و تقاليد المجتمع, اللى انت لبسه ضد اعراف و تقاليد المجتمع احلام الحرية و انك تلعب الموسيقى اللى انت بتحبها و تقول رايك بوضوح و من غير خوف اصبحوا حاجات في مهب الريح في حين ان حتلا الحفلات بتاعة الميتال مبيتعملش فيها اللى بيتعمل في حفلات تانية لكن يسيبك ليه و هو مش مستفيد منك و لا من حفلاتك و كمان عاملوا وجع دماغ, حاليا الحوار مش انك تثبت هل انت عبدة شيطان و لا لا, اللى عايز حاجة فيه نت يشوف فيه لكن المعركة الحقيقة انك بتحارب نظام بيقمع جميع انواع الافكار و الحريات اللى ضد مزاجه و كلامه و افكاره, النهاردة احنا بنتكلم في الميتال بكره هنتكلم عن الاعلام و بعده هنتكلم في الكتب اللى بنقراها متستبعدش حاجة لنظام عشوائى و جبان, المعركة طويلة و الحقيقة العالم كله من حولينا بيتطور و احنا هنا لسه في 2013 لسه عندنا انظمة حاكمة همها تسكت ده و تخوف ده و تموت ده و تخرص ده, و يبقى السؤال طب و بعدين؟؟؟؟
رغم انه معنديش اجابة محدده بس و زى ما ميتاليكا ما بتقول
The sun will shine
لسه فيه امل, لكن محتاجين نتعب و يبقى عندنا نفس طويل
