lulu درب من الجنون

Lou reed and Metallica - lulu

 

اشمعنى هقول رايي دلوقتى؟؟

بصراحة انا خدت فترة على ما استوعب الالبوم

منكرش انى اول ما سمعت الالبوم حسيت انى في كابوس او ان دى نكتة بايخة لكن بعد ما رميتة قررت انى اجرب اسمع الالبوم تانى و اديلة فرصة

بس المره دى قررت انى اعمل حاجة مختلفة الالبوم ده مش علشان تقوم ترقص عليه في حفلة ميتال او تعمل عليه موشبيت او انك تقعد تندنتدن اغانية لا الالبوم ده لازم تسمعه كانك قاعد بتتقرى حاجة لافكرافت او بتسمع حاجة محتاجة تركيز 

الالبوم عبارة عن مسرحية و في رايي ان الالبوم ده من كنوز 2011 الدفينة قبل اى حاجة نفهم الاول قصة الالبوم

الالبوم بيحكى عن فتاة ليل اسمها لولو و هى مسرحية المانية اتعملت في القرن ال19المهم لولو دى بتستمتع باغراء الرجالة و بعد كده تكسر قلوبهم من خلال الكلمات هيوضح حب لولو للالم بتعشق الالم واضح طبعا القصة القاتمة للالبوم المهم خلال الاالبوم هنعرف ان لولو قابلت القاتل المتسلسل المشهور جاك السفاح اللى بيقتلها في اخر القصة 

Jack the ripper

  بينجح لو رييد بكلماته الغريبة و المخيفة في انه يترجم القصة و يترجم حالة الجنون و السادية اللى في القصة في نعظم الالبوم هنلاقى رييد بيتكلم على لسان لولو و بيترجم لينا انفعلاتها و احاسيسها 

بشكل عام جو الالبوم  تحسه انه جاف و سودوى و كئيب و الكلمات سوداوية بشكل غريب

You’re feeling less whore but you stimulate
 The hatred smolders in your eyes
 I’d drop to my knees in a second
 To salivate in your thighs

 But all I do is fall over
 I don’t have the strength I once had
 In you and your prickless lover
 And his easel in his eyes

 I feel the pain creep up my leg
 Blood runs from my nose
 I puke my guts out at your feet
 You’re more man than I
 To be dead to have no feeling
 To be dry and spermless like a girl 

بالنسبة للموسيقى فكانت جافة و مقبضة شوية في بعض الاحيان من الاخر مختلفة عن اى حاجة عملوها ميتاليكا قبل كده بس انا شايفها ماشية مع جو الالبوم بتفكرنى بجو الجراج روك و الحاجات دى. 
بالنسبة للبرودكشان فتحسة 
raw
فبيتماشى مع الجو اللى لو رييد و ميتاليكا عايزين الناس تعيش فيه
طيب هل الالبوم حلو؟؟ بصراحة مش عارف انا اتشديت لجو الالبوم و كلماته الغريبة و موسيقته الجافة و الغريبة بعض الشىء و الدراما اللى الالبوم بيعيشك فيها

و اسلوب لو رييد في الكلام الالبوم معتمد على الكللام اكتر من الغناء

من الاخر تجريبة غريبة وفريدة الحقيقة من نوعها و مظنش ان حد ممكن يفكر يعملها

طبعا الالبوم بعيد كل البعد انه يكون البوم تجارى مستحيل يبقى تجارى. طيب هل انصح ان الناس تسمعه؟؟ بصراحة مش اى حد ممكن يتقبل الالبوم ده بسهولة و مش هيتهضم من اول مره غير كده الالبوم له جو معين ميتسمعش في اى وقت الا انى بنصح الناس اللى ليهم في الايكسبرمنتال و الجو ده انهم يسمعوه تجربة عجيبة فعلا و تستحق المحاولة الصراحة

what a ride

التقييم

الكلمات 8 من 10

الموسيقى 6.5

الغناء 7.5

البرودكشان 7

التقييم النهائى

7

من 10

قريبا

evanescence album review  

قريبا

chill out :D

ساعات بتبقى قاعد مخنوق اوى

و مقضيها اغانى كئيبة بس نفسك تطلع من موود الخنقة و الاكتئاب ده

موضوع خفيفي فيه اغانى انا شايفها كفيلة انها تنشطك و تغير موودك

من الممكن ان بعض الاغانى تكون عبيطة بس بتعمل الواجب تعالوا نلقى نظرة

.......

Helloween ----  Dr.stein

اصلا الفريق معروف باغانيهم اللى بيبقى فيها جو السعادة و الضحك فريق له اوقاتى

....... 

Van Halen ---- Pound cake

  اغنية لذيذة تخرج الواحد من جو الاكتئاب مع صوت عم الحج هجر و صولو هيلن هتحتاج ايه تانى؟؟

  ....... 

Motley crue ---- Kick start my heart

 علامة من علامات الفريق الالبوم اصلا الناس بتعتبره اقوى اصدار للفريق

 ....... 

The rolling stones ---- Rain fall down

الجو بتاع الاغنية يخليك تفوق و تطلع بره موود الاكتئاب و يخليك رايق

....... 

Metallica ---- Enter Sand Man

بيعتبر البعض ان الاغنية دى دخلت التاريخ من اوسع ابوابها و انا مقتنع بكده اولا افتتاحية تحفة للالبوم غير ان الموسيقى بتاعة الاغنية و توزيعها حلوين يدوا الواحد طاقة و تخلية يفوق

   .......

Chicken foot ---- Lighten up

joe streaini awesomness + sammy hagar's energy + Chad smith funky background + Mr Micheal's bass = epicness 

وصفة سحرية للقضاء على الاكتئاب

.......

 White lion ---- Hungry

good old 80s ;)

 .......

 Bon Jovi ---- Live before you die

قاعدة ثابتة عايز تفرح؟؟

اسمع الفريق ده

عايز اغانى خفيفة مفيهاش تعقيد؟؟

اسمع الفريق ده برده

  .......

White Zombie---- Thunder kiss 65

    الاغنية دى ممكن تخليك ترقص و انت قاعد

 اغنية لطيفة و فيها شغل

الفريق ده في الميتال ارشيفز كمان

  .......

Red hot Chilli peppers ---- the adventures of rain magie 

فكك من اى حاجة و عيش مع الاغنية

 ..... 

موضوع خفيف زى ما انتوا شايفين

:)

تحياتى

جارى حاليا

التحضير لانترفيو جديد

ادعو انه يكمل

 

 

 

 

ليه؟؟؟

من شهور قليلة

استقبل الغرب ثورات الربيع العربي بالانبهار في بعض الحالات

زى ثورة مصر كده

و بدات الناس تبص على العرب بشكل ممكن كان يكون افضل من الاول

و لكن زى ما بنقول الحلو مش بيكمل و مش هيكمل

يا ريتن كنت اقدر اقول ان ده مات على ايد الاحتلال لكن لا ده اتقتل لانه المفترض انه

EMO

انتشر في العراق ان الايمو عبدة شيطان و الحمد لله رجعنا تانى نتصدر الصحف بفضايح

'Emo' killings raise alarms in Iraq

دى من جريدة الجارديان العنوان ده

اكتر من 58 قتيل في خلال تلات اسابيع علشان شاكين انهم يا شواذ يا ايمو

تحت اسم الدين 

يعنى انت شوهت صورة البلد لا و كمان الدين 

لحد امتى هتكون دى ثقافة الناس؟؟ و لحد امتى تشويه الدين هيوصل لكده؟؟

الجميل ان معظم اللى ماتوا مش ايمو اصلا معظمهم يا بيسمعوا ميتال يا راب يا شباب عادى

!!!!

بدل ما نورى للناس بره مدى تحضرنا بنوريهم اننا بنقتل شباب صغير باسم الدين 

علشان شاكك انه بيعبد الشيطان و ايمو

طبعا قريب هيقلك حفلات الميتال بتنشر الدعارة و الفجر وسط الناس و نرجع لخانة الصفر بعد ما كانت فرق بدات تاخد الوضع و لفتنا نظر الاجانب لينا و لفرقنا

نبص على اندونيسيا بيحلقوا شعر البانك

!!!!

باسم الدين برده

الظاهر ان الصورة دي ديما هتفضل ورانا

بره بيتكلموا في ازاى نلاقى كوكب تانى نعيش فيه و احنا بنتكلم في اصله بيعبد الشيطان و بنقتل الشباب بالطوب

ربنا يسامحكم

....  

بين العبقرية و الجنون شعرة

بالنسبة لناس كتير فان البلاك ميتال عندهم ده

الا ان فريق تانى بيعتبر دوول ناس تافهة و الحقيقة عندهم وجهة نظر هنعرف ليه لما ندخل اكتر في الموضوع

الموضوع هيبقى جزئين او تلاته

الاول هنبص على الاحداث اللى ساهمت في انتشار الموجة النرويجية للبلاك ميتال

و دى هتاخد جزئين

بعد كده هنبص للجانب المهم في رايي و هى اهم الاغانى و الابداعات اللى طلعت في الفترة دى

نبدا باول جزاء

....

لما نيجي مثلا نبص على الستينات و السبعينات و لما الهارد روك و الهيفي ميتال بدا ينتشر فكان بسبب الموسيقى و كانت حاجة جديدة

بالنسبة للبلاك ميتال ((النرويجي بالذات))في رايي الشخصي جه انتشاره مش بسبب الموسيقى اكتر من الاحداث اللى اثيرت بسببها او بمعنى ادق بسبب الناس اللى بداوا النوع اصلا

موجة من الاحداث و الاشخاص تسببوا في انتشار النوع ده في التسعينات و بالتحديد التلاتة دوول

 

اكيد كتير يعرفوهم و في ميعرفش مين الناس دى الحقيقة لما قعدت اقرا عن البلاك ميتال ملقتش حد بيحلل جمال فنى و لا بتاع لا كله عمال يتكلم عن احداث و حالات ساهمت في انتشار النوع 

تعالوا لما نتعرف على كل واحد من الناس دى 

اعرفكم على

Dead

  و هو فوكال 

mayhem

و رغم فترتة القصيرة نسبيا في الفريق او المتوسطة الا انه نجح بجدارة في اثارة الجدل

و يعتبر واحد من الاسباب في انتشر الموجة التانية للبلاك ميتال

اولا هو ليه كان اسمه كده؟؟ لانه كان مقتنع انه مش عايش لا انما هو مقتنع انه ميت و كان ديما بيحب يحب يشعر انه زى الجثث علشان كده كان بيلون وشه اسود و ابيض فرق السبعيانت كانوا بيعملوها كنوع من الشو بالنسباله لا دى كانت علشان تديله احساس الجثة و كان ديما يدغن هدومه قبل الحفلات علشان تبقى ريحتها زى الترب فياخد شعور الجثث و الميتين !!! ووصلت حالة الجنون انه مره طلب من زملائه في الفريق انهم يدفنوه حى و يطلعوه ساعة الحفلة علشان يبقى زى الميتين!! من الاخر و كان واضح انه بيعانى من حالة نفسية ما لدرجة ان المحيطين بيه نفسهم كانوا شبه بيخافوا منه اصلا!!

اكتر حاجة كان بيكرهها الجمهور المضروب فمره في حفلة حدف رؤوس و بقايا حيوانات ع الجمهور فجريوا و متبقاش غير خمسين واحد و كان سعيد بكده المهم رغم كل ده الا ان مش ده اللى شهره انما اللى شهره اوى هى حادثة انتحارة بل ان حادثة انتحارة دى خلت الناس تاخد بالها اكتر من النوع ده

 حسب كلام اللى حوليه فانه في الاخر كان بيحاول يجرح نفسه كتير و كان بيفكر اوى في الانتحار 

لحد ما فعلا انتحر عن طريق انه قطع شرايين ايده و فجر مخه!!!

زى ما احنا شايفين في الصورة و ده مش رسم دى الصورة الحقيقية للجثة و ده يخلينى اعرفكم على الباشا التانى اللى بيلقبوه ب

the god father of black metal

Euronymous

جيتاريست موهوب جدا و يمكن هو الاب الروحى للبلاك ميتال النرويجي بشكل عام و هو من اللى حطوا حجر الاساس ليه و خلاه بالشكل الاكستريم اللى احنا شايفينه ده و يمكن هو من الاسباب اللى خلا البلاك ميتال مقترن بعبادة الشيطان و هقلكم ليه  

بالفعل هو من القلائل اوى و النادرين اللى خدوا عبادة الشيطان بشكل جدى الباقى كانوا لمجرد اضافة الاثارة لكن بالنسباله الموضوع كان بجد

I believe in a horned devil, a personified Satan. In my opinion all the other forms of Satanism are bullshit. [...] Satanism comes from religious Christianity, and there it shall stay. I'm a religious person and I will fight those who misuse His name. People are not supposed to believe in themselves and be individualists. They are supposed to OBEY, to be the SLAVES of religion. – Euronymous, in an interview by Esa Lahdenperä, early August 1993  

لذلك كان مقتنع ان البلاك ميتال لابد ان يقترن بعبادة الشيطان علشان كده بالنسباله فرق زى ايورتال دوول ميعتبروش بلاك ميتال الا انه كان بيساندهم كما انه مكنش مقتنع بكنيسة الشيطان الحديثة على العكس هو كان شايفها مجموعه من الافكار التحررية التافهة و مكنتش بتدعوا للشيطان نفسه طبعا من هنا ممكن الواحد يفهم ليه اعتبر البعض ان ديما البلاك ميتال مقترن بعبادة الشيطان و ان كان ده مش حقيقي بس ساعتها هو كان شغال زى البوليس السياسي كلامه لازم يمشى لانه كان معتبر نفسه المؤسس و الاب الروحى للنوع ده.

l 'I define black metal. Black metal is me!'

كان من الاخر عايش صاحى نايم على البلاك ميتال و كل ما تبقى اكستريم كل ما يبقى احسن

و فعلا جذب وراه ناس كتييييييير و معظم فرق الديق قلبت لبلاك بسببه و اتبعت افكاره و من تلاميذه الاخ فيركنس جت فترة كانوا صحاب جدا طبعا ادينا شايفين دوره المحورى و التاريخى في تطوير ملامح النوع ده

 طيب ايه علاقته بالاخ اللى فوق؟؟

الاتنين كانوا شبه صحاب و مع بعض في الفريق و كانوا عايشين سوا في كوخ حسب شهادة باقى اعضاء الفريق و المحيطين بيهم فان يورونومس كان ديما بيشجع ديد انه يموت نفسه !! و يقال انه ساب الكوخ فاضى ليلتها علشان يموت نفسه المهم لما رجع ساعتها لقى ديد ميت و كاتب رسالة نصها انا اسف على انى بهدلتلك الدنيا بالدم

"Excuse all the blood 

المهم من الصدمة ((حسب كلامه)) راح اشترى كاميرا و صور بيها الجثة و الموضوع ده خلى شوية من زملائه في الفريق و المحيطين بيه يتقرفوا منه المهم جمه جزء من الجمجمه و عملها سلسلة!! بعدها اتصل بالشرطة..

و استخدمت الصورة في البوم من البومات الفريق و اتسببت الحادثة دى في لفت انتباه الناس اكتر للنوع ده و انجذابهم ليه 

 !!! 

....

 الواضح انهم مقتنعين جدا بافكارهم و دى نادرة شوية 

عامة نختم بكده الجزء ده

 الجزء التانى هنكمل القصة و هنبص لاهم اغانى و البومات الفترة دى

نهاية الجزء الاول

  

soooooooooooon

بين العبقرية و الجنون شعره

قصة الصعود و الهبوط'' hair metal''

The rise and fall of

Hair metal

قصة البداية و النهاية 

لو جينا نبص على كل فترة هنلاقى ان لازم تطلع حاجة تعمل هوجة لفترة تخطف الجو

في التسعينات طلع الجرانج و في اواخر التسعينات طلع النيو ميتال و مؤخرا طلع الايمو 

في التمانينات طلعت ظاهرة اسمها

pop/ hair metal

و اللى عاش الفترة دى هيعرف اد ايه الفرق دى خطفت الجو ازاى فرق زى

poison

Cinderella 

  def leppard

motley crue 

twisted sisters

و غيرها كانوا في عزهم الايام دى

البومات و شهرة و فلوس و حفلات و كليبات و غطوا الجو

و الراديوهات و التلفزيون مكنش وراهم غير الناس دى

من اهم اسباب نجاح الفرق دى

MTV

اللى كانت تعتبر قناة جديدة ساعتها قاعدت تذيع

كليبات الفرق دى بشكل كبير

و غير كده اغانى الحب بتاعتهم كانت بتشد الناس او

POWER BALLAD

بس فجاة

المولد خلص

بححح

الجمهور خلع زى ما بنقول كده فركش

!!!!

بعد عشر سنين من الهيمنة و النجاح خلاص الناس مش عايزة

الفرق اتفككت و الناس راحت على سكة جديدة

بس هو حصل ايه؟؟

انا لانى بسمع الاغانى دى اقدر اقول ان من الاسباب الرئيسية لانهيار النوع ده هو التكرار

 لو بصينا على السبعينات مثلا و عملنا مقارنة بين

black sabbath, iron maiden & Judas priest  

هنلاقى ان لكل فريق لمستة الخاصة اللى بتميزه عن التانى

كلمات اغاني كل فريق بتختلف عن التانى

الحاجات دى تخلى الفريق يعيش فترات طويلة غير كل ده الفرق دى بتقدر تنوع في لعبها تعمل حاجة مختلفة عن التانية

ممكن نقول عدم الانسياق ورا التجارية البحتة هى اللى عملت كده ده

اما بقا لو سمعتك فرق زى

Cinderella

poison

و غيرهم هنلاقى ان في تركيبة ثابتة للاغانى

نفس الافكار و نفس فكرة الكلمات اللى بتتكلم عن الجنس و السهر و الحفلات و الحب

نفس الدايرة و نفس الافكار الموضوع قلب لعملية تجارية بحتة غير كل ده الفرق دى مقدرتش تتطور من ادائها و تجدد من نفسها و ده ان دل على حاجة فانه بيدل على قلة موهبة او قلة افكار الفرق دى ((ده ميمنعش انى بحب الفرق و الاغانى دى))و انا رايي ان السبب ده هو المفتاح اللى ادى لانهيار النوع ده
اه في البومات و اغانى تحفة اتعملت في الفترة دى
بس خلاص الافكار خلصت و اصبحت الكلمات معادة
و القدرة ع التجديد كانت مش موجوده

.....

 

في اسباب تانية مثلا ظهور الجرانج في التسعينات و اواخر التمانينات بدا يسحب الاضواء و جذب الاهتمام و ظهور برده فرق المودرن روك زى

red hot chili peppers

غير كده الناس زهقت من جو ال

BALLADS

طبعا بعد كل اللى قلناه ده في فرق اتفككت و في فرق غيرت نشاطها لانواع تانية زى

BON JOVI

Guns n roses

و ظهر ده في البومات زى

use you illusion

these days

و في فرق لسه عايشة بسبب الذكريات القديمة

شوية اغانى لو حد مسمعش الحاجات دى قبل كده

 

....

END OF PART 1

PART 2: - GRUNGE

>>>.........<<<

 

Metal Blast's 1st Anniversary

حفلة شكلها كده هتقلب الدنيا يوم 

10

في ساقية الصاوى

 

Metal Blast's 1st Anniversary

Promo

و انا حضرت اخر واحده اتعملت السنة اللى فاتت و كانت من الاخر كده فاجرة واحده من اجمل حفلات الميتال اللى حضرتها في مصر سواء من ناحية التنظيم و مستوى الفرق اصلا كانت حاجة من الاخر يعنى 

و الظاهر كده ان المره دى هتبقى افجر من اللى فاتت تعالوا كده نبص ع الفرق اللى موجودة المره دى 

Ahl Sina

https://www.facebook.com/​ahlsina?ref=ts

.....

 Destiny In Chains

https://www.facebook.com/​pages/Destiny-In-Chains/​252908130326?ref=ts

.....

  Enraged 

https://www.facebook.com/​enragedband?sk=info

.....

  Karma

https://www.facebook.com/​KarmaEgypt?ref=ts

.....

  Origin

https://www.facebook.com/​Originstation?ref=ts

.....

  Sinprophecy 

https://www.facebook.com/​Sinprophecy?ref=ts

.....

  Varden 

https://www.facebook.com/​vardenband?ref=ts

.....

الموضوع مفيهوض تفكير

اكيد لازم تروح

لو عايز معلومات اكتر 

https://www.facebook.com/events/183376895096227/